جاني ومجني عليه جدد: تفاصيل جريمة تحرش القطار الروسي؟

شيء محزن، إننا بقينا نكتب تقريبًا بشكل أسبوعي عن حادثة تحرش جديدة، الناس بتعنف اللي بيرتكب الجريمة دي، بيفضحوا هوياتهم وبيصوروهم علشان ياخدوا جزائهم ويبقوا عبرة لأي حد يفكر يتبع خطاهم، بيتم أخذ اجرائات فورية من الشرطة عن طريق القبض عليهم، وكمان مؤخرًا تم تشديد العقوبات على النوع ده من الجرائم لردعها.. وبعد كل ده لسه في ناس مش بتتعظ، ولسه بنكتب عن حدوث وقائع التحرش، لسه بنكتب عن جاني ومجني عليه.

في قطر متجه من الجيزة لأسوان، حصل فعل فاضح وجريمة تحرش لما رجل في عُمر الأربعين مرتدي لبس صعيدي استدرج طفل من الباعة الجائلين واعتقادًا منه إن الركاب نايميين، استغل الطفل وتحرش به. لكن أحد الركاب الموجودين لفت نظره إن في أمر مش طبيعي، فصور الراجل وهو مدعي النوم، ولما شاف الفيديو أدرك الجريمة اللي بتحصل ونشر المقطع على السوشيال ميديا علشان يتم القبض على الراجل ده ومايفلتش من العقاب.

وبالفعل تم التعرف على هوية الرجل من قبل الشرطة اللي اتضح إنه أربعيني وبيشتغل سمسار، وتم ضبطه و هيتم عرضه على النيابة العامة علشان تستكمل تحقيقاتها في واقعة الفعل الفاضح اللي قام به المتحرش مع الطفل اللي عمره لا يتجاوز العشر سنين من الباعة الجائلين في القطر.   

آخر كلمة: ماتفوتوش قراءة: فضح هوية المتحرشين بالأطفال عبرة لكل متحرش!

تعليقات
Loading...