تعرف على فوائد الموز مع 5 وصفات تحلية

الموز هو من الفواكة الاستوائية، والتقليدية، والمشهورة، والمتواجدة في كل المواسم، وبيكون موجود في معظم البيوت العربية، ويعتبر من أحسن المصادر الطبيعية الطاقة، ومعروف بفوائده الكتيرة، فهو يحتوي على البوتاسيوم، والمغنسيوم، والحديد، والنحاس، والمنغنيز، وبيساعد في مشاكل الجهاز الهضمي، وتقوية المناعة. وبيتم استخدامه في أكلات حلوة كتيرة، تعالوا نتعرف على بعضهم..

المعصوب

هحتاج رغيف عيش أسمر، وموزتين، و3 معالق كبارمن القشطة، ومعلقة كبيرة من العسل الأبيض.

هنهرس الموز بشوكة كويس جدًا، ونزود العسل الأبيض والقشطة، ونخلطهم سوا، بعد كده هنقطع العيش لقطع صغيرة ونزوده على الخليط ونقلبه كويس، ونقدمه في أباق ونزينه بعسل أبيض.

الكنافة بالموز

هنحتاج كيلو كنافة، وكباية زبدة سايحة، و6 موزات، وكبايتين سكر، ونص كيلو قشطة، ومكسرات وشربات للتزيين.

هندهن الصينية بالزبدة بكمية معقولة، ونحط نص كمية الكنافة، وندهنها هي كمان بالزبدة، بعد كده هنزود القشطة فوق الكنافة، ونزود فوقيها الموز، وفوقيه باقي كيمة الكنافة، ونزود اللي اتبقى من الزبدة، وندخلها الفرن لمدة نص ساعة لغاية ما وشها يحمر، وأول ما نطلعها من الفرن هندلق الشربات عليها، وبعد ما تبرد هنزينها بقطع موز ومكسرات.

المهلبية بالموز

عن: cookpad

هنحتاج 4 موزات، ومعلقة من عصير الليمون، وكبايتين من الحليب، و4 معالق سكر كبيرة، و2 معلقة نشا كبيرة، ومعلقة فانيليا صغيرة، ومكسرات للتزيين.

هنهرس الموز بالشوكة مع الليمون، وهندوب النشا مع شوية لبن، وهنحط باقي اللبن على النار، وأول ما يبتدي يغلي هنزوج خليط النشا مع اللبن ونقلب كويس، وبعد كده نزود السكر والفانيليا، ونزود الموز ونقلب، ونقدمها في أطباق، ونزينها بالمكسرات أو قطع الموز لما تبرد.

فخفينا

هنحتاج كيلو فراولة، و4 موزات، و4 حبات مانجة، وتقريبًا أي نوع فاكهة عايزين نضيفه، وكبايتين من اللبن، ومعلقتين كبار من العسل، وكباية كريمة حلوة، ومكسرات، ومكعبات ثلج.

هنخلط الفراولة في الخلاط مع شوية عسل مع الثلج، هنصب عصير الفراولة في كبايات، وهنعيد نفس العملية مع الموز باضافة اللبن، ونصب عصير الموز فوق الفراولة، وهنعيد تاني نفس العملية مع المانجة، ونصب عصير المانجة فوق الموز، وهنزود أي قطع فاكهة عايزنها جوا الكبايات في وسط خليط العصاير، بعد كده هنضرب الكريمة في الخلاط لغاية ماتكون متماسكة، ونحطها على وش الكبايات، ونزين الكريمة بالمكسرات.

الموز باللبن

هنحتاج كباية لبن، و4 موزات، ومعلقة كبيرة من السكر أو العسل الأبيض، ومعلقة فانيليا، ومعلقة قرفة، ومكسرات.

هنخلط الموز مع اللبن مع الفانيليا مع السكر أو العسل سوا في الخلاط، ونصب العصير في كبايات ونزينه برش القرفة ووية مكسرات.

آخر كلمة: ماتفوتوش قراءة: التين الشوكي: بين فوائد ووصفات جديدة وطرق آمنة للتقشير في البيت

تعليقات
Loading...