قال وزير الزراعة السوري “محمد حسان” يوم السبت، إن المرحلة القادمة هتكون مرحلة تعاون زراعي كبير بين سوريا والأردن، وصرح حسان بده خلال أعمال المنتدى الاقتصادي الأردني السوري في دمشق.
بدأ يوم السبت في العاصمة السورية دمشق، المنتدى الاقتصادي الأردني السوري، واللي بتنظمه غرف التجارة الأدرنية والسورية، تحت شعار “تشاركية لا تنافسية”.
المنتدى مستمر لمدة تلات أيام، وبيحاول يشكل قوة اقتصادية، من خلال توثيق العلاقات التجارية بين البلدين، وبدء مرحلة من التشاركية التجارية، ورفعها لمستويات جديدة تقدر تدفع البلدين في اتجاه أفضل.
وضح حسان كمان إن التعاون هيركز على مجال مستلزمات الإنتاج الزراعي والأسمدة، والاستفادة من تجربة الأردن في زراعة النخيل والدواجن، من خلال التعاون مع شركات أردنية متخصصة.
أكدت أعمال المنتدى على ضرورة وحدة اقتصادية بين البلدين، بالذات في مجال الأمن الغذائي، اللي بقى بيشكل قضية عالمية محتاجة تعاون على مستوى عالمي في مجالات الزراعة، وتوفير مخزون آمن من الغذاء.
قال رئيس غرف تجارة الأردن والعقبة “نائل الكباريتي” إن القطاع الاقتصادي الأردني فخور بمستوى العلاقات اللي بتربط البلدين في مختلف المجالات، وبيتمنى إن المرحلة القادمة تكون انطلاقة قوية في مجال تعاوني مبني على التشاركية لا التنافسية.
وطلب الكباريتي من الجانب الرسمي السوري وضع قائمة بالمنتجات والبضائع الأردنية اللي هيُسمح لها بدخول السوق السورية، والاستثناءات من قرار تحديد المستوردات، وده بهدف تنشيط التبادل التجاري بين البلدين وزيادته.
أما وزير الاقتصاد والتجارة الخارجية السوري “محمد سامر الخليل” فأكد خلال افتتاح فعاليات المنتدى، إن البلدين بيربط ما بينهم علاقات أخوية قوية، وإن كان في تواصل مستمر على المستوى الحكومي ومؤسسات القطاع الخاص.
وضح الخليل إن ظروف الحرب أجبرت سوريا على ترشيد الاستيراد والاستهلاك، بهدف المحافظة على استقرار العملة المحلية، وكان قرار عدم السماح بدخول البضائع نتيجة للهدف السابق. وأكد على منح الأردن الأولوية في استيراد البضائع اللي مش موجودة في السوق السورية، وبالذات الأسمدة والعلب المعدنية ومعدات الطاقة الشمسية.
كمان أكد الخليل على ضرورة وجود تكاملية بين الصناعات الأردنية والسورية، ووضح إن سوريا بتشجع الاستثمارات الصناعية السورية في المملكة، وشدد على أهمية مخرجات الاجتماع الرباعي اللي تم عقده مؤخرًا في عمان، وجمع وزراء الزراعة في الأردن وسوريا والعراق ولبنان، واللي أكد على أهمية تسهيل التعاملات وتطوير التعامل في عمان، وجميع وزراء الزراعة في البلاد اللي اشتركت في الاجتماع الرباعي.