تحدي جديد على إنستجرام بيشجع المصريين على فصل النفايات في البيت..

0

“تحدي يوليو الأخضر” أو “July Green Challenge” هو مبادرة جديدة على إنتسجرام إتجمعت فيها كذا حركة وشركة منهمWeCare – Eco Solutions وGreenish وVeryNile وDawar App وGo Clean في محاولة لنشر الوعي والتشجيع على تغيير المفاهيم المضرة بالبيئة واستبدالها بعادات مفيدة للمجتمع والطبيعة.

التحدي بيشجع المشاركين فيه على فصل النفايات في البيت قبل التخلص منها لأربع فئات: بلاستيك، وورق ومعدن وبقايا عضوية. وبالرغم من بساطة العادة دي، إلا إن تأثيرها الإيجابي على البيئة ملوش وصف. فصل النفايات بيساعد في سهولة إعادة التدوير وبيمنع كمية كبيرة من المخلفات البلاستيكية من إنها توصل للشاطئ وتؤذي الكائنات البحرية أو إنها تدخل سلسلة الغذاء وتوصل لينا؛ كمان فصل النفايات بيسهل عمل جامعي القمامة وبيقلل من انتشار الأمراض.

تقدروا تشاركوا في التحدي عن طريق الخطوات الموجودة في البوست ده:

View this post on Instagram

متحمسين تبدءوا تحدي جديد ؟؟؟ !! @wecare_ecofriendly @greenisheg @verynile @gocleaneg @dawar.app اتجمعوا عشان ينشروا الوعي و يشجعوا التغيير في كل بيت! "July Green Challenge" ، هو تحدي فصل النفايات في البيت قبل التخلص منه لاربع فئات: البلاستيك والورق ومعدن وبقايا عضوية. فصل النفايات بيساعد في سهولة إعادة التدويرأو التحلل! وبيمنع كثير من البلاستيك ينتهي على الشواطئ أو يخنق الحيوانات البحرية أو حتى يدخل في السلسلة الغذائية بتاعتنا. فصل النفايات المنزلية يسهل عمل جامعي القمامة، و بيوفر أيضًا المال والطاقة وبيقلل من انتشار الأمراض. ازاى تكسب التحدي ؟ كل أسبوع في شهر يوليو هيتم اختيارشخص للفوز بهدايا صديقة للبيئة من منتجات WeCare. 1- اعمل Follow ل @wecare_ecofriendly @gocleaneg @verynile @greenisheg @dawar.app 2- اعمل تاج 5 من صحابك في الكومنتات لبداية التحدي 3- اعمل شير لصورة او فيديو عن تقسيم النفايات، وانشرها على حسابك الشخصي على Facebook / Instagram. متنساش تعمل تاج ل @wecare_ecofriendly @greenisheg @gocleaneg @verynile @dawar.app 4- ابعتلنا صورة/ فيديوخاص بفصل النفايات كل يوم لمدة أسبوع واحد! (لمدة 7 أيام متتالية) – قم بوضع التاريخ على كل صورة. 5- استخدم الهاشتج #WeCareGreenChalleneg #PlasticFreeJuly #WeCareEgypt

A post shared by WeCare (@wecare_ecofriendly) on

أدوات كتيرة بنستخدمها كل يوم زيّ الأكياس والكوبايات البلاستيكية تأثيرها على البيئة ممكن يكون كارثي. البلاستيك من المواد اللي مش بتتحلل في البيئة بسهولة، وممكن شنطة بلاستيكية تقعد ملايين السنين عشان تبدأ تتحلل، وبالتالي ممكن تتسبب في موت حيوانات كتير منها السلاحف والطيور البحرية.

عادات إيجابية زيّ فصل النفايات من الممكن تساهم في تجنب مشكلات كتيرة زي دي، وكمان هي وسيلة نتأكد بيها إن البلاستيك في طريقة عشان يتم إعادة تدويره، بدل ما ينتهي المطاف بيه في البيئة ويساهم في تدهور الحياة البرية.

عادات إيجابية تانية المنصات دي بتشجع عليها عشان نقلل تأثيرنا السبلي على البيئة منها استخدام شنط وكوبايات ممكن يتم إعادة استخدامها.

أخر كلمة: مبادرة جميلة جدًا ونتمنى نشوف كتير زيها!

تعليقات
Loading...