بمميزات جديدة أعلن أبلكيشن “تيك توك” الحرب على التنمر وبدأت الشركة في تنفيذ كذا استراتيجية جديدة لمكافحة التنمر والحد منه للحفاظ على أمان كل اللي بيستخدموا الأبلكيشن، في وسط المعدلات العالية لحالات التنمر اللي موجودة على الأبلكيشن ضد صناع المحتوي خصوصًا من المراهقين، ولدعم الحملة دي، مشاهير ونجوم بنحبهم شاركوا بفيديو على صفحاتهم بيبينوا فيه قد إيه الكومنتات السلبية اللي بيتعرضولها مؤذية، وإن المميزات الجديدة اللي بيتيحها الأبلكيشن بتفيد في منع ده، وبتخلينا نبدع بدون تردد.
إزاي تقدر تفعّل المميزات دي؟ بخطوات بسيطة هتقدر تخلي الكومنتات اللي تظهر تكون بموافقتك الأول، وكمان تقدر تفعّل ميزة التصفية أو الـ Filtering للكومنتات أوتوماتيك من خلال التطبيق، تعالوا نشوف إزاي.
ميزة تصفية الكومنتات حسب الكلمات الرئيسية علشان يتمكنوا من منع نشر الإهانات أو الألفاظ الخارجة أو أي محتوى يمثل مشكلة على الفيديوهات، وممكن تخفي كل الكومنتات الجديدة لحد ما تراجعها وتوافق عليها، ولتفعيل الميزة دي هتقوم بخطوات بسيطة، هتفتح الأكونت بتاعك على تيك توك، ودوس على التلات نقط اللي موجودين على الشمال فوق، ومن القائمة اللي هتظهرلك، دوس على “الخصوصية” Privacy، هتظهرلك شاشة تانية، اختار فيها “من اللي ممكن يكتب كومنت على مقاطع الفيديو بتاعتك” Who can comment on my videos، حدد “عوامل تصفية الكومنتات” Comment filters، وبدّل الزرار الذي جنب اختيار “تصفية كل الكومنتات” Filter all comments لوضع التشغيل.
أما لو عايز تشوف كل الكومنتات المتعلقة، ارجع لقائمة “تصفية الكومنتات” Comment filters، اختار “مراجعة الكومنتات اللي اتصفت” Review filtered comments، وبعدها دوس على أي كومنت، وحدد إذا كنت عايز تمسحه أو توافق تنشره.
لو عايز تستخدم الذكاء الاصطناعي لمراجعة الكومنتات أوتوماتيك، الأبلكيشن بيفحص الكومنتات من نفسه قبل ما ينشرها للمستخدم، من خلال استخدام الذكاء الاصطناعي للتعرف على اللغة اللي بتتعارض مع سياسات الخدمة، ولو لقى تعليق بيحتوي على كلمة محظورة تم حفظها قبل كده، هيظهر تحذير للمستخدم يقوله إن الكومنت اللي موجود ممكن ينتهك القواعد، وبيمنح المستخدم فرصة لمراجعة الكومنت أو نشره.
آخر كلمة: ماتفوتوش قراءة: تحدي الموت: إيه هو تحدي الوشاح الأزرق الجديد على تيك توك وليه حذر الأزهر منه؟