بعد صورة العلم الفلسطيني، جمهور محمد رمضان بين مؤيد ومعارض
بعد ما الناس هاجمت محمد رمضان بشدة من يومين علشان الصور اللي اتنشرت ليه على مواقع التواصل الاجتماعي بتجمعه مع فنانين ومشاهير من إسرائيل في حفلة بدبي، وبعد ما هو رد وقال إنه مش بيسأل كل اللي بيتصور معاهم عن جنسيتهم، وقال كمان إنه بيوجه التحية للشعب الفلسطيني.
وبعد ما غير صورة غلاف صفحته على موقع فيسبوك بعلم فلسطين، ظهر هاشتاج #محمد_رمضان_نمبر1_ياحاقدين، و#محمد_رمضان، وفي اللي بيسانده، وبيدافع عنه، وبيشهد بنجوميته.
قراءة المزيد
ولكن في كمان اللي لسه بيهاجمه، والغضب مستمر ضده من مستخدمين الهاشتاج على السوشيال ميديا، وبيتهموه بالخيانة.
الهجوم والمساندة مستمرين على الفنان محمد رمضان، ومش عارفين الموضوع ده هينتهي إزاي، ولا هيكون مصير الفنان إيه وسط جمهوره.