ناس كتير بتسأل عن فرص منتخب مصر للشباب في التأهل لبطولة أمم أفريقيا بعد خسارة المنتخب قدام نظيره النيجيري، وحاليًا الفرصة الوحيدة للمنتخب المصري للشباب من مواليد 2003 علشان يقدر يوصل للتأهل لربع نهائي أمم أفريقيا هي الفوز على السنغال يوم السبت الجاي.
خسارة منتخب مصر للشباب قدام نيجيريا كانت بهدف واحد في مقابل لا شئ خلال المباراة بين المنتخبين يوم الأربع، ضمن الجولة التانية من المجموعة الأولى لبطولة كأس الأمم الأفريقية تحت 20 سنة، على ستاد القاهرة الدولي.
أما ترتيب منتخب مصر في الوقت الحالي فهو المركز التالت في ترتيب المجموعة بنقطة واحدة، وجات قبله في الترتيب السنغال صاحبة الصدارة برصيد 6 نقاط ونيجيريا الوصيف برصيد 3 نقاط.
وبكده يبقى قدام المنتخب المصري فرصة واحدة وهي تحقيق الفوز على المنتخب السنغالي في مباراة الجولة التالتة علشان يتأهل ضمن أفضل منتخبين في المركز التالت. واللي بنتمنى لهم فيها التوفيق والفوز.
وفي المباراة اللي خسرها المنتخب المصري ضد نيجيريا سجل سولومون أجبالاكا هدف وحيد خلال الدقيقة 71، وبالنتيجة دي بقى رصيد منتخب مصر نقطة واحدة، بعد مباراتين، تعادل في الأولى منها تعادل سلبي أمام نظيرة الموزمبيقي، وخسر في التانية أمام نيجيريا.
المجموعة الأولى من مجموعات بطولة كأس الأمم الأفريقية للشباب اللي بتقام النهارده في مصر للمنتخبات، بتضم مصر وموزمبيق والسنغال ونيجيريا، ومقرها القاهرة.