في وقت الأعياد والمناسبات، ناس كتير بتحب تسافر علشان تزور أهلها أو علشان تتفسح في مكان مختلف. ولكن بعض الناس بيكون عندهم مشكلة لما ييجي الموضوع للسفر، وهو الطريق للوصول. بعض الأشخاص بيكون عندهم رهاب أو خوف من الطيران. الطيران بالنسبة لهم بيكون مخيف، ولكن درجات الخوف وردود الأفعال بتختلف من شخص للتاني.
سواء كنت من الأشخاص اللي بيحسوا بعدم راحة بسيط أثناء رحلات الطيران، أو ممكن يجيلك panic attacks تخليك حاسس إنك مُستعد ماتسافرش طول عمرك بس علشان تتفادى الطيران، فلازم تعرف إن الخوف ده مهما كان حجمه وتأثيره عليك، هو قابل للعلاج أو على الأقل السيطرة عليه والتخفيف منه.. ودي بعض النصائح اللي ممكن تساعدك.
ما تشربش كافيين كتير قبل الرحلة
مبدئيًا، شرب القهوة بيجفف أو بيـ hydrate الجسم ، وده اللي ممكن يجيب شعور بالغثيان والصداع أثناء وجودك في الهواء. ونظرًا لإن كبائن الطائرة بتكون أصلًا باردة وجافة، فكده بشرتك وجهازك المناعي مش هيكونوا في أفضل حالة. وغير ده كله، الكافيين بيزود من ضربات القلب. فلو أنت متوتر أثناء الرحلة، ضربات قلبك هتزيد بشكل أكبر وأسرع.
مارس تمارين الاسترخاء
أحد أكثر الأساليب اللي بتساعد على التقليل من مشاعر التوتر، هو ممارسة تمارين الاسترخاء. التمارين دي بتساعد على تصفية الذهن وتنظيم النفس، وبينصح بيها الاستشاريين والأطباء علشان تساعد في التحكم والسيطرة على نوبات القلق أو الـ panic attacks.
تمرين الاسترخاء
- إرخاء الكتف والعنق علشان تحس بأكبر قدر من الراحة
- اتنفس ببطء من الأنف بس مع غلق الفم، مرتين متتاليتين.
- ضم شفتيك وكإنك هتصفر.
- أطلق أنفاسك ببطء عبر عملية الزفير من خلال شفتيك المضمومتين.
اختار مكانك في الطيارة بذكاء
اختيار المكان اللي هتقعد فيه في الطيارة من الحاجات اللي ممكن تبان بسيطة لكن بتعمل فرق كبير. وده هيتطلب منك إنك تكون على دراية ووعي كافي بالـ triggers اللي بتثير مخاوفك. أولًا، يفضل تحجز مكان في أول الطيارة علشان تتجنب إنك تمشي كتير داخلها. ثانيًا شوف إيه اللي هيكون مريح أكتر. هل هتكون مستريح أكتر وأنت جانب الشباك وشايف كل حاجة؟ ولا أحسنلك إنك ماتكونش شايف إيه اللي بيحصل وتقعد في الـ aisle؟
فرق بين مشاعر القلق ووجود خطر حقيقي
وقت القلق، بيكون صعب التفكير بمنطقية أو التفرقة بين الخوف والخطر الحقيقي. علشان كده مهم يكون في محاولة في التفكير بمنطقية والتفرقة بين الحاجتين. اعرف واحترم خوفك من الطيران، ولكن قول لنفسك إنه مجرد خوف ومشاعر قلق لا تعني وجود أي خطر حقيقي.
اعرف أكتر عن تكوين الطيارة
لو بتخاف من المطبات الهوائية بشكل كبير، يبقى اللي ممكن يساعد هو القراءة أكتر عن technology الطائرات وازاي هي مصممة لتحمل النوع ده من المطبات أو الـ turbulence.
اتعرف على طاقم الطيارة
الكلام والتعرف على مضيفي الطيران من الحاجات اللي ممكن تسعدك أثناء الرحلة إنك تحافظ أكتر على هدوئك. أولًا لإنهم هيكونوا مصدر إلهاء ليك عن الأفكار المقلقة، وثانيًا هيكون مصدر للاطمئنان في حال حدوث أي حاجة تثير قلقك أثناء الرحلة.
ممكن كمان حاجات زيّ تحميل لعب على الأجهزة الإلكترونية أو القراءة يكونوا مصدر للإلهاء. وكمان النوم من الحلول اللي ممكن تسعدك تتخطى الوقت في حالة عجزك تمامًا عن السيطرة على مشاعر القلق.