بالميمز والمستندات: حكاية باتمان حلوان كلها
ضوء لمع وسط مدينة حلوان، أو بمعنى أصح مستنيينه يلمع لسه يوم 13 أغسطس، لو حاسس إن بقالك كام يوم بتشوف باتمان منتشر كده على التايم لاين وأنت مش عارف ليه، ماتقلقلش مش فيلم جديد، دي خناقة، والناس كلها متحمسة وبتشجع، لو أنت مش فاهم في إيه، تعالى نفهمك.
![](https://ar.scoopempire.com/wp-content/uploads/sites/4/2022/07/292032943_5468257636628914_7068840285879730074_n.jpg)
واحد حط صورته وقال إن هو باتمان الحقيقي، واحد صاحبه كتب له تعليق قال له لأ أنت نسيت نفسك، أنا باتمان الحقيقي، الناس تسكت؟ أبدًا، كل واحد فاكر نفسه باتمان دخل في التعليقات قالك أنتوا فاكرين نفسكم مين، أنا باتمان الحقيقي، والموضوع كبر بقى.
لحد ما لقينا أتعمل إيفنت على فيسبوك لعاركة يشارك فيها كل واحد فاكر نفسه باتمان، والميعاد يوم 13 أغسطس الساعة 11 بليل في محطة مترو حلوان، واللي هيفضل عايش بعد المعركة يبقى هو باتمان الحقيقي. الإيفنت انتشر بسرعة البرق وناس كتير شاركت في الموضوع والحوار كبر لدرجة إنه بقى تريند.
![](https://ar.scoopempire.com/wp-content/uploads/sites/4/2022/07/WhatsApp-Image-2022-07-04-at-12.08.09-PM-511x1024.jpeg)
الموضوع كبر ووصل للمحافظات، ودلوقتي في تصفيات في الإسكندرية، واللي هيكسب هيتأهل لمعركة حلوان.
وشوفنا فنانين كمان بيشاركوا في الحفلة دي على صفحاتهم على فيسبوك، وطبعًا شوفنا كمية ميمز ماينفعش نفوتها كده من غير ما نوثق الحدث والميمز بتاعته.
خالد الصاوي نزل ميمز على صفحته الرسمية على فيسبوك.
![](https://ar.scoopempire.com/wp-content/uploads/sites/4/2022/07/291906064_604557514371295_5312377364670549366_n.jpg)
ورانيا يوسف كمان لحقت التريند من أوله.
![](https://ar.scoopempire.com/wp-content/uploads/sites/4/2022/07/291643484_160829343148736_658767978203465015_n-818x1024.jpg)
حتى القطط مافوتتش المعركة دي، ومستنيين نشوفهم فيها، مش يمكن باتمان يطلع في الأخر قطقوط؟
ولو أنت جامد وبتحب القديم والجديد، أكيد هتبقى عارف جروب العيال كبرت سلطانبوستينج، ولو مش عارفه، فأنت فايتك كتير واحنا بنخدمك. وطبعًا المعركة دي حاجة مش هتفوتهم، فلقينا أجمد فيديو أتعمل عن التفاصيل المتوقعة للمعركة.
معركة باتمان
Posted by Salma Ghanem on Saturday, July 2, 2022
أما لو عايز تروح، هدوم باتمان هتلاقيها في كل حتة دلوقتي وكل الماركات المحلية بتستغل المعركة استغلال إيجابي، وشكل كده بدلة باتمان دي هتبقى لبس العيد.
لو عايز بقى تروح وحد وقف في طريقك، أو الإتش آر ماوافقش على إذن النزول بدري، وريله الفيديو ده.
لما اهلك ميرضوش ينزلوك يوم ١٣ اغسطس
Posted by Itz Troy on Saturday, July 2, 2022