بالصور: مصر وافتتاح المتحف المصري الكبير

0

في قلب محافظة الجيزة، وعلى بعد 2 كيلومتر من الأهرامات، مصر في صراع مع الزمن لافتتاح المتحف المصري الكبير، اللي هيكون المتحف الأكبر للحضارة الفرعونية في العالم، وحاليا ً أكتر من 5000 عامل شغالين على المشروع في محاولة للانتهاء من التجهيزات قبل الميعاد النهائي للافتتاح، اللي وزير الآثار خالد العناني أعلن إنه هيكون في الربع الأخير من 2020. 

الواجهة الزجاجية للمتحف هتكون مطلة على عجيبة من عجائب الدنيا السبعة القديمة وهي أهرامات الجيزة وأبو الهول اللي بتبلغ من العمر حوالي 4500 سنة، في مقارنة واضحة ما بين قدرة المصريين على البناء بين الماضي والحاضر، مش بس كدا، المتحف هيحتوي على عدد مهول من الآثار والتحف المصرية القديمة، منها مقبرة الفرعون المصري الأشهر توت عنخ آمون، اللي حاليا ً كتير من محتوياتها بتسافر في جولة حوالين مدن العالم للتعريف بالتاريخ المصري والحضارة الفرعونية.

المتحف المصري الكبير مجهز بمركز ترميم للآثار الأحدث من نوعه في مصر، متحف لأصحاب الإحتياجات الخاصة وعدد من المطاعم والمساحات خضراء والـ Cafes، بميزانية تبلغ حوالي 1 مليار دولار أمريكي.

في الوقت الحالي، صور كتير للمتحف ظهرت على الـ social media وجمالها أقل ما يقال عنه إنه خلاب، بعد سبع سنين من العمل المتواصل من الواضح إن المجهود اللي إتبذل مش هيروح هباء.

تعليقات
Loading...