بالصور: اكتشاف مُبهر لرسومات حيوانات عتيقة في كهف غير معروف بشمال سيناء
في اكتشاف فريد من نوعه في محافظة شمال سيناء، علماء الآثار لقوا مجموعة من رسومات لحيوانات كانت عايشة في شبه جزيرة سيناء من فترة بعيدة محفورة على جدران كهف غير معروف بمنطقة وادي الظلمة في شمال سيناء. الرسومات فريدة من نوعها ومختلفة عن أي رسومات كهف شُفناها في سيناء قبل كدا.
العلماء شغالين دلوقتي على إنهم يقدروا يحددوا الوقت اللي اتحفرت فيه الرسومات دي، بس في اللحظة دي الزمن المحدد مش عندنا. أيمن عشماوي رئيس قطاع الآثار المصرية بوزارة السياحة والآثار المصرية وضح إن الرسومات دي مختلفة عن رسومات الكهف الموجودة في جنوب سيناء، وإن أسلوبها الفني الفريد من نوعه مبين إزاي هي اتحفرت من بدقة تدل على إن اللي عملها خد وقته في اتقانها.
معظم الرسومات اللي لاقيناها لحيوانات كانت عايشة في سيناء ولسه في منها موجود زي الجمال والغزلان والمعيز الجبلية والبغال والحمير البرية.
الدراسات المبدأية وضحت إن الكهف ده عاش فيه أكتر من مجموعة بشرية في فترات مختلفة من التاريخ، بس لحد دلوقتي مش عارفين مين بالظبط اللي رسمها. من الواضح إن الكهف كان مصدر حماية لناس كتير من الأمطار والظروف الطبيعية القاسية.
على بعد 200 متر جنوب غرب الكهف، علماء الآثار لقوا بقايا مباني صخرية دائرية وده ممكن يَدُل على إن كان فيه مستعمرة بشرية قريبة.
