النجمة المصرية نيللي كريم أعلنت خطوبتها!
في الكام يوم اللي فاتوا، كان في شائعات إن النجمة نيللي كريم مرتبطة، لكن محدش كان عارف بمين. وبعد ما نزلت ستوري على حسابها الشخصي على إنتسجرام ليها وشخص مش باين وشه ماسك إيدها على شط البحر، المعجبين زاد فضولهم أكتر وأكتر. وبعد ما طلعت كذا إشاعة، الفنانة المصرية الروسية قررت تحسم الجدل وفي مقابلة مع برنامج إي تي بالعربي، وضحت إنها اتخطبت لرجل الأعمال المصري عمر إسلام!
وفي لقاء مع اليوم السابع وضحت نيللي بإن الصورة دي اتاخدت بعد حفل الخطوبة العائلي اللي كان مقتصر على حضور عدد بسيط من أفراد كل أسرة على شاطئ ما، ووضحت نيللي إن كل اللي حضروا حفل الخطوبة التزموا بإجرائات التباعد الاجتماعي اللي اقرتها منظمة الصحة العالمية ووزارة الصحة والسكان المصرية. نيللي نهت تصريحها بإن الجماهير ممكن تستنى الفرح مع نهاية الصيف.
نجمة بـ “100 وش” وضحت إنها مش متهمة بالشائعات وإنها مش بتدي فرصة لأي إشاعة بإنها تعكر صفو قصة الحب اللي هي بتعيشها دلوقتي، وعبرت عن كم سعادتها بالتفاهم اللي بينها وبين زوجها المستقلبي، وإنها عايزة تستمتع بالأجازة دي مع والدتها وأختها وخطيبها من غير دوشة الشائعات.
النجمة صاحبة الـ 45 سنة اتجوزت مرتين قبل كدا وعندها 4 أبناء، ولدين وبنتين.