الفترة دي كلنا تقريبًا قاعدين على الانترنت وبنشتري كل حاجة أونلاين، بس وإحنا بنشوف أولكس قابلتنا منتجات غريبة جدًا والصراحة لفتت نظرنا ومقدرناش نعديها، والغريب أكتر إن بعض الحاجات دي الناس بتشتريها.. من غير ما نطول عليكم، دي اختياراتنا لأغرب الحاجات اللي لقيناها على أولكس الأسبوع ده:
مفرش دخلة الغلابة
مش لاقيين تعليق على الصورة الحقيقة.
سجاده صلاة مستجابة الدعاء
علشان كده بـ 500 جنيه.. بس أكيد الدعاء هيستجاب عليها؟ عماد مأكدلك يعني؟
سماعة الدش المضيئة العجيبة
الدش ده بيغير ألوانه حسب ضغط المياه وبيخليك حاسس إنك في مهرجان بسبب أنوار الديسكو اللي بيعملها .. شايفينك وأنت بتضيفه لسلة المشتريات يا شقي!
الجزمة الضفدع
المفروض إنها جزمة نوم للأطفال، بس أنا شخصيًا ممكن أخاف ألبسها بليل لتطلعلي وأنا نايمة.
عربية بيبي شارك المميزة
المفروض إنها عربية كيوت بس اعتقادي الشخصي إن الأهالي بتخاف تركب ولادها فيها.
اقرا أيضًا: إزاي ميتنصبش عليك في تخفيضات الجمعة السوداء وإيه هو الأمان الإلكتروني؟
معزة فرنساوي سويسري خليط
حتى المعيز بقت هاف فرنساوي هاف سويسري؟!
كتاب حفلة التفاهة
تحس من اسم الكتاب إن أنت وصحابك اللي مألفينه.. بس هو في الحقيقة رواية مشهورة، وبقى اسمه كده لما اترجم.
شيف بيض
ديناصور روبوت
لعبة روبوتية حيوانية أليفة، وغالبًا عشاق Jurassic World بيجيبوه ويسموه الديناصور ريكس.
