فيلم الرسوم المتحركة المصري “السيد بنفسجي” تم اختياره عشان يكون ممثل عن مصر في الدفعة الـ 11 من المهرجان الدولي للرسوم المتحركة “Golden Kuker” بصوفيا عاصمة بلغاريا اللي هيعقد من 1 لـ 6 سبتمبر من العام الحالي.
الفيلم اللي تم اصداره في السنة اللي فاتت بتدور قصته حوالين حرية الاختيار والعقبات اللي بتنتج من فرض رأي واحد على الكل، وإن إزاي التنوع والاختلاف بيخلي الحياة أحسن؛ طوال الفيلم البطل بيتجبر على طريق مُعين، لكنه في السر عنده طريقته الخاصة، وفي الأخر لما بينجح في مسعاه بيوري كل المختلفين طريقته وبيحاول يخلي يغير العالم بشكل إيجابي.
الفيلم مدته 11 دقيقة ومن إخراج أسامة أبو زيد ومن إنتاج المركز القومي للسينما وتأليف أحمد عبد الرحيم وموسيقى هاني شنودة ومونتاج مها رشدي وصوت رامي حسين.
الفيلم قدر ينافس في عدد من المهرجانات العالمية للسينما منها مهرجان الحامة بقابس، تونس 2020، ومهرجان كرامة لأفلام حقوق الإنسان في 2019، ومهرجان الأورومتوسطي لأفلام حقوق الإنسان القصيرة ببيروت 2020، ومهرجان البحرين السينمائي في 2020، وحقق نجاحات زي جائزة البرادة البرونزية في مهرجان الحامة.
أسمة أبو زيد واحد من أهم مخرجين الأفلام المتحركة في مصر وأخرج مشاريع كتير منها فيلم وهكذا، والهدية، والسلام أمانة.
المهرجان الدولي للرسوم المتحركة “Golden Kuker” بصوفيا تم تدشينه في 2010 كواحد من المهرجانات القليلة اللي بتركز على فن أفلام الرسوم المتحركة. تحت ظروف عادية، المهرجان بيُعقد في شهر مايو، بس بسبب أزمة فيروس الكورونا العالمية تم تأجيله لسبتمبر 2020.