صدرت الموافقة من العاهل السعودي الملك عبد العزيز على منح الجنسية السعودية للخطاط السوري عثمان طه، خطاط المصحف الشريف وده بعد سنوات قضاها في العمل بمجمع الملك فهد لطباعة المصحف في المدينة المنورة.
عثمان طه يعتبر عميد خطاطي المصحف الشريف، كتب أكتر من 15 مرة واتطبع فيهم 2 مليون نسخة لمدة 15 سنة قضاها في المدينة المنورة، وعلى مدار تاريخه المهني والتعليمي كان متهيأ إنه يوصل للمنصب ده لإنه بعد دراسته لكلية الشريعة الإسلامية ماكتفاش بكده والتحق بكلية التربية وأخد فيها درجة الدبلومة العامة، وبعدين قرر إنه يدرس الخط بعد مقابلته لعميد الخطاطين واتعرف منه على الخط الفارسي وبعدها قابل عميد الخطاطين في العالم الإسلامي واللي كرمه وقتها.
ماوقفش عثمان طه وقرر إنه يدرس الرسم وعلم الزخرفة، ده غير إنه حصل على الدراسات العليا في الشريعة الإسلامية والفن الإسلامي، وبعدها اتعين عضوًا في لجنة التحكيم للمسابقة الدولية للخط العربي وفي نفس السنة اتعين في مجمع الملك لطباعة الصحف ومن وقتها وهو في المنصب ده. المنصب اللي تم منح الجنسية على أساسه، واتميز عثمان بالأسلوب المبسط في الكتابة بالخط الكوفي وهو الخط الأصلي اللي اتكتب به المصاحف أيام الصحابة.
منح الجنسية السعودية للخطاط السوري كانت بهدف فتح باب التجنيد للكفاءات والخبرات في كل التخصصات العلمية والثقافية والرياضية والطبية، وده في الأخر طبعًا هيعود بالنفع على السعودية كنوع من أنواع التنمية على مستوى المجالات واستغلال صح للطاقة البشرية، ودي ماكانتش أول مرة إن السعودية تكرم حد من أصحاب الكفاءات معاها بإنها تقدم له جنسيتها كنوع من أنواع التقدير، سبق وقبل كده حصل عليها مختار عالم خطاط كسوة الكعبة وشيخ خطاطي مكة.