الأهلي في مباراة حاسمة مع كايزر تشيفز على لقب بطل أفريقيا..

النهارده على أرض ستاد الملك محمد الخامس في المغرب، النادي الأهلي المصري هيلاعب غريمه الجنوب أفريقي كايزر تشيفز على لقب بطل أفريقيا في نهائي دوري الأبطال. أهلاوية كتير في مصر وكل أنحاء العالم مستنيين الماتش على أحر من جمر، لإن لو فاز الأهلي هتكون دي البطولة العاشرة ليه اللي يفوز بيها في دوري أبطال أفريقيا، أما بالنسبة لكايزر تشيفز في حالة الفوز، هيكون ده أول لقب ليهم في البطولة.

الناديين أدوا بشكل مبهر ومشرف على مدار البطولة، ووصل الأهلي للنهائي بعد التغلب على الترجي التونسي ذهاب وعودة محقق نتيجة 3-0 على أرضه، و1-0 في العاصمة التونسية. أما الفريق الصاعد من جنوب أفريقيا قدر يحفر لنفسه اسم في التاريخ بعد ما تغلب على العملاق المغربي الوداد بهدف في مباراة الذهاب وتعادل سلبي في ماتش العودة على أرضه.

المباراة هتتلعب بدون جمهور نظرًا لتفشي فيروس الكورونا المستجد، ولو عاوز تتابعها تقدر تستناها النهارده الساعة 9 مساءًا بتوقيت القاهرة على قناة beIN Sports HD 4 وbeIN Sports1 HD Premium .

الماتش هيكون من تعليق المصري علي محمد، والاستوديو التحليلي هيكون شغال على القنوات السابق ذكرها نص ساعة قبل بداية الماتش.

آخر كلمة: تقدروا تتوقعوا نتيجة المباراة؟ عرفونا في التعليقات!