بتمثل سياحة اليخوت واحدة من أغنى وأقوى مصادر العملة الأجنبية بين مختلف أنواع السياحة الموجودة في العالم النهارده، وبيتقدر حجم اقتصاد سياحة اليخوت بأكتر من 11 مليار دولار في السنة، بالذات إن رواد النوع ده من السياحة بينفقوا أكتر من السائح العادي بحوالي 94%. وفي إطار سياسة مصر لتنويع أشكال السياحة وزيادة الدخل العام اللي بيدخل للدولة منها، بدأت الحكومة باستراتيجية جديدة لتنظيم سياحة اليخوت وتسهيل حركتها.
الدخل الأساسي لسياحة اليخوت بيتمثل في العملة الصعبة اللي بتدخلها للدولة من خلال تحصيل رسوم العبور والرسو، والضرائب والوقود والصيانة. وفي ظل وجود حوالي 30 ألف يخت فخم بيتحركوا في مياه البحر المتوسط كل سنة، جات استراتيجية مصر الجديدة لاحتضان النوع ده من السياحة الفاخرة.
مصر عندها 2.4 ألف كيلو متر من السواحل البحرية تحت سيطرتها، ومجموعة متنوعة وواسعة من الموانئ الساحلية اللي بتتسع لآلاف اليخوت منها مارينا نعمة، اللي تُعتبر أول مارينا لليخوت في شرم الشيخ، ومارينا الغردقة، واللي تُعتبر نموذج مثالي لمارينا دولية سياحية في مصر، وكمان في مارينا البحر المتوسط أو بورتو مارينا، واللي يُعتبر أول ميناء يخوت في أفريقيا.
تُعتبر أول مارينا لليخوت في خليج نعمة بشرم الشيخ وتم إنشاؤها بأحدث الأساليب التكنولوجية، وكان المشروع خطوة هامة على طريق تنمية سياحة اليخوت، ومارينا مرتفعات طابا، واللي فيها خدمة صيانة على أعلى مستوى، وخدمات إعادة التزويد بالوقوت، وأماكن لبيع معدات السفن ومرافق الإصلاح. وكمان في مرسى أبو تيج يُعتبر المدخل البحري الخاص بقرية الجونة السياحية.
وفي ظل المقومات الهائلة لمصر في مجال سياحة اليخوت، أعلن وزير السياحة يوم 5 أغسطس عن وضع استراتيجية بهدف تعظيم سياحة اليخوت، واللي أعلن الانتهاء منها يوم 30 أغسطس.
وهيتم إنشاء مجموعة تانية من الموانئ والمراين على طول السواحل المصرية بحيث يفصل بين كل مارينا والتانية ألف كيلو متر، علشان تغطي السواحل بشكل كامل، وتشمل المواقع الجديدة شرق بورسعيد، وغرب جمصة، ومنطقة المنتزه بالإسكندرية، ومدينة رشيد في محافظة البحرية، ومنتجع الجلالة في العين السخنة، وبورت غالب، وميناء برنيس.
وفي ظل المقومات الجغرافية والسياحية الواعدة لمصر لتعظيم سياحة اليخوت والاستفادة منها، أعلن وزير السياحة، أحمد عيسى، يوم 5 أغسطس عن بدأ استراتيجية جديدة لتوطين سياحة اليخوت واللي أعلن عن اكتمالها يوم 30 اغسطس. وأصدرت الدكتورة نجوى شحاتة، رئيس الإدارة المركزية للسياسات والإجراءات الجمركية، مجموعة من الأحكام والقواعد ضمن لائحة تنظيم سياحة اليخوت الأجنبية في المراين والموانئ البحرية.
جات الإجراءات الجديدة ضمن منشور إجراءات رقم 14 لسنة 2022، واللي صدر عن مصلحة الجمارك، بهدف تخفيف الإجراءات المختلفة على أصحاب اليخوت، خاصًة الإجراءات الجمركية.
ونصت اللائحة على إن قطاع النقل البحري هو المسؤول عن تنفيذ الخطة الاستراتيجية الخاصة بسياحة اليخوت في مصر وتطويرها وضمان استمرارية تنفيذها. وهو كمان المسؤول على إنشاء وإدارة نافذة رقمية واحدة للإشراف على إدارة سياحة اليخوت وتطويرها، بالإضافة لمسؤولية إنهاء الموافقات والتصاريح اللازمة، ومايبنفعش يتعامل أي يخت سياحي مع مؤسسة غير النافذة الرقمية المذكورة.
وكمان نصت لائحة الإجراءات على توحيد التعريفة الخاصة بالانتظار في أرصفة الموانئ والمراين المصرية، على إن يكون التعامل بشكل إلكتروني بالكامل مع ضمان الأمن السيبراني.
ومن خلال المنظومة الرقمية الجديدة، اللي هتدير الأمر بالكامل، يقدر مالك اليخت يستخرج التصاريح اللازمة للرسو والانتظار خلال تلات أيام، مع السماح بالخروج من أي ميناء مصري باستخدام نفس التصاريح.
وهيتم إصدار كود موحد لإنشاء وتشغيل الموانئ والمراين المصرية بالكامل بهدف تحقيق السلاسة والسهولة في التعامل، وتسريع العملية على السياح، مع توحيد الإطار اللي هيتم بيه إدارة المنظومة بالكامل.