إلغاء بطولة العالم للإسكواش بسبب رفض ماليزيا دخول المنتخب الإسرائيلي

شوفنا امبارح خبر إلغاء بطولة العالم للإسكواش واللي كانت من المقرر إنها تتعمل في ماليزيا بعد أيام، وده كان على خلفية رفض كوالالمبور إستضافة المنتخب الإسرائيلي أو منح تأشيرات دخول لاعبين إسرائيليين لأراضيها.

وفي رسالة رسمية من الاتحاد الدولي للإسكواش بيرد فيها على قرار ماليزيا بمنع منتخب إسرائيل وقال فيها: إنه خلال الشهور الأخيرة عملوا مجهود كبير علشان تقدر كل المنتخبات إنها تدخل البطولة، بس للأسف الوقت انتهى ومش هيبقوا ضامنين دخول المنتخب الإسرائيلي وعلشان كده البطولة ملغية!

والبيان ده كان بسبب إن اتحاد الإسكواش الإسرائيلي قدم التماس للمحكمة الدولية للرياضة عن طريق المحامية داليا بوشنكسي، وكان الالتماس ده ضد إقامة البطولة بدون دخول المنتخب الإسرائيلي، وقالوا إن احنا لو كنا المسئولين عن البطولة دي ولو كانت اتعملت على أراضينا كانت ماليزيا أول بلد هتدخل!

عن: The post

العالم من كام يوم كان بيحتفل باليوم العالمي بالتضامن مع الشعب الفلسطيني، والمواقف الشبيهة بإلغاء كيان إسرائيل أو اعتباره كيان مش موجود أكتر معانا على الكوكب، نقدر نعتبرها نوع من أنواع التضامن والإيمان بالقضية مهما عدت السنين، ومش شرط كل واحد يتضامن بنفس الطريقة، بس كل واحد في المكان اللي يقدر عليه، اللي ينزل مظاهرات واللي يعبر بالكتابة واللي يعبر بالفن والغنا والرسم، واللي يعلم ولاده يعني إيه وحدة عربية وإن فلسطين جزء مننا وفي يوم من الأيام هترجع الحقوق لأصحابها. كل الحاجات دي بتفكرنا وبتفكر الأجيال اللي جاية إن لسه في قضية ومانتهتش.

أخر كلمة: ماتفوتوش قراءة: القصف على غزة من تاني: امتى فلسطين هتخلص من الكابوس الإسرائيلي؟

تعليقات
Loading...