إعلان حالة الطوارئ في مصر استعدادًا لموجة طقس سيء خلال الأيام اللي جاية

في استجابة من الدولة لمواجهة توقعات ظروف الطقس السيء اللي هتواجهها البلاد خلال الأيام اللي جاية، قال وليد عابدين المتحدث باسم شركات القاهرة والجيزة لمياه الشرب والصرف الصحي، إن إعلان حالة الطوارئ في البلد لمواجهة ظروف الطقس بيتم من خلال التجهيز والتعامل مع مياه الأمطار وبيكون على حسب توقعات الهيئة العامة للأرصاد الجوية.

طقس سئ
عن: cdni

وقال كمان إن في خطة انتشار بيتم تنفيذها بأقصى درجات العناية بعد ما أعلنت هيئة الأرصاد توقعاتها عن سقوط أمطار خلال فترة الكام يوم اللي جايين، والأمطار هتنتشر على طول القاهرة الكبرى ومناطق تانية من البلاد.

ووضح إنه بيتم حاليًا الانتشار في الشوارع والمحاور الرئيسية استعدادًا في حالة سقوط أي أمطار، ووضح إن في تحذيرات صدرت من الهيئة العامة للطقس بخصوص سقوط أمطار امبارح، الأحد، وبالفعل تم الانتشار من بداية ساعات الفجر الأولى على معظم المحاور في القاهرة والجيزة.

وقال إن عمل الهيئات المختصة بيتم على أساس نظام الطوارئ المستمر، واللي بدأ بتشغيل 120 عربية بشفاط وشفاطات مدمجة في القاهرة، و80 عربية زيّهم في الجيزة، غير العربيات اللي بيتم التعامل بها في فترات السيول، واللي بتكون مجهزة بقدرات أكبر على سحب كميات كبيرة من المياه في الشوارع.

وكانت هيئة الأرصاد الجوية، وضحت في بداية اليوم النهارده، إن زيادة تكون السحب المنخفضة والمتوسطة على القاهرة الكبرى والسواحل الشمالية ومحافظات الوجه البحري وشمال وجنوب الصعيد وسيناء، ممكن يسبب زيادة في فرص سقوط أمطار متفاوتة بين خفيفة لمتوسطة على السواحل الشمالية.

لازم كلنا ناخد بالنا من إنخفاض درجات الحرارة الشديدة على جميع نواحي مصر النهارده وخلال الأيام اللي جاية، ولازم نلبس تقيل ونقلل الخروج من البيت، علشان ماحدش يتعرض لأي حادثة خطيرة، أو ياخد برد.

آخر كلمة: ماتفوتوش قراءة: في أول تطبيق لقانون فصل الموظف متعاطي المخدرات: السجن المشدد لخمس موظفين وإنهاء خدمتهم

تعليقات
Loading...