مكتب أبو ظبي الإعلامي أعلن عن الإرشادات والتعليمات اللي هيتم اتباعها في المطاعم والمقاهي والكافيتريات كشرط لرجوعها للعمل بسعة أكبر.
القواعد دي بتسمح للأماكن دي بإنها تفتح في العاصمة الإماراتية بس باستيعاب 40% فقط، ولازم يتم اتباعها وده لضمان سلامة كل الموجودين وتقليل فرص انتشار العدوى. من أهم التعليمات الجديدة دي فحص درجة الحرارة بشكل دوري للموظفين والزبائن ومنع كل من كبار السن فوق سن الـ 60 والأطفال تحت سن الـ 12 من دخول الأماكن دي وده لحمايتهم من خطر فيروس الكورونا المستجد.
بالإضافة لده، لازم كل العاملينة بالمنشئة إجراء تحليل للفيروس، ولو حد من العاملين بالمطبخ اتعدى هيتم قفل المطعم بشكل كامل. كمانمش مسموح لأكتر من 4 أشخاص من التجمع على طاولة واحدة، وهيكون فيه مسافة 2 متر ونص بين كل واحدة والتانية.
عدد الحالات وصل في دولة الإمارات العربية المتحدة لـ 42 ألف حالة، ولكن سياسة الفحص والتحاليل المكثفة اللي اتبعتها دولة الخليج العربي ساهمت في السيطرة على الوضع بشكل جزئي، طبعًا ده بالإضافة للإجرائات الاحترازية وقف حركة الطيران وقفل المطاعم والمولات والمحال والأماكن الترفيهية.
من قريب، بعد ما تم الإعلان عن السيطرة بشكل جزئي على انتشار المرض في الإمارات، أبو ظبي كانت واحدة من أول الإمارات اللي بدأت تفتح بشكل تدريجي.