إطلالات ياسمين رئيس المختلفة في مسلسل ملوك الجدعنة

من مميزات المسلسلات اللي بتتعرض في رمضان، هو إننا بنقدر نشوف ونستمتع بجوانب كتير غير القصة الدرامية والتمثيل المتقن، حاجات زيّ الموسيقى التصويرية، الديكورات والألوان، وحتى إطلات وأزياء بعض الممثلين اللي بتلفت الانتباه وبتبقى حديث السوشيال ميديا. وبالنسبة لمسلسل ملوك الجدعنة، فبجانب إعجاب بعض الناس بالدويتو “مصطفى شعبان وعمرو سعد” والروح الخفيفة اللي في المسلسل، إطلالات ياسمين رئيس كانت من أكتر الحاجات اللي لفتت نظر المشاهدين، خصوصًا مع وجود عنصر البساطة في استخدام المكياج واللبس، لكونها بتجسد شخصية فاتن حرفوش البنت بسيطة.

هاشتاج باسم ياسمين رئيس بقى ترندينج على تويتر بعد بث الحلقة السابعة، فعلق كتير من الناس على إطلالات وشكل ياسمين اللي قدر يجمع بين البساطة وعدم التكلف، والجمال. علشان كده جمعنا إطلالاتها المختلفة وكمان فريق العمل اللي كان ورا الـ looks اللي شوفناها لياسمين أو “فاتن” خلال حلقات المسلسل.

ورا أى إطلالة لازم بيكون في فريق عمل من العيار التقيل، علشان يقدر يخلق للشخصية شكل وstyle خاص بيها، والستايليست اللي صممت أزياء ياسمين هى دينا نصير اللي اهتمت إنها تصمم عبايات بسيطة ولكن ملفتة وفيها لمسة modern في نفس الوقت. أما الماكياج كان لميرنا قزمان والكوافير يوسف الأشقر.

بجانب إطلالتها فكمان الناس معجبة بشخصية فاتن الجدعة والدلوعة وعلاقتها مع عمرو سعد الرومانسية اللي الناس بقيت مراقباها عن قرب ومتابعين الups and downs بتاعتهم كمان، لإنهم شافوا إنها relationship goals البسطاء.

آخر كلمة: ماتفوتوش قراءة: الستينات في 2021: أزياء وإكسسوارات دينا الشربيني في قصر النيل تبهر الكل

تعليقات
Loading...