اليوم العالمي للمرأة، ويوم المرأة المصرية، وعيد الأم، شهر مارس يعتبر شهر المرأة، بنحتفل بكل ست خصوصًا الستات المصرية وبكل الأدوار والمهمات اللي شايلينها وبيأدوها على أكمل وجه، وبكل الحب كمان. وعلشان الاهتمام بصحة ستات مصر أولوية مش رفاهية، مبادرة للكشف مجانًا لكل السيدات في مستشفيات الشرطة كل يوم جمعة، وعلشان نساعدكم، هنعرض أماكن مستشفيات الشرطة في مصر ومواعيد العمل فيها.
مدينة نصر
في شارع الطيران في الحي السابع، وتعتبر أقرب فروع مستشفيات الشرطة لإنها في قلب القاهرة، وللاستفسار تقدروا تتصلوا بأرقام التليفون: 0222617055 – 0224010926 – 0222616824
العجوزة
مستشفى الشرطة في العجوزة بتخدم المواطنين في أحياء الجيزة، موجودة في شارع النيل، وأرقام التليفون: 0233474121 – 0233011656 – 0233011658 – 0233011657
التجمع الخامس
ولسكان القاهرة الجديدة، مستشفى الشرطة بتتيح خدماتها في التجمع الخامس، في شارع طه حسين الطريق الدائري، وأرقام التليفون: 0224109086 – 0224109117 – 0224092571 – 0224109076 – 0224109088
محرم بك
في الأسكندرية، في محرم بك الطريق الدولي، مستشفى الشرطة بتقدم الخدمات الطبية المختلفة، وأرقام التليفون الخاصة بيهم: 033635023 – 033635024
طنطا
في محافظة الغربية، مستشفى الشرطة من أهم المراكز الطبية اللي بتفتح أبوابها للمواطنين، وموجودة في طريق كفر العرب، أرقام التليفون: 0403609262 – 0403609261 – 0403609263 – 0403609264
وفي بيان وزارة الداخلية، قالت إن تم الكشف على السيدات في العيادات الخارجية في جميع التخصصات الطبية المختلفة خلال الفترة دي في شهر مارس، في مستشفيات القطاع، وصرف الدواء لكل حالة حسب وصف الطبيب المعالج، علشان يتم علاج أكبر عدد ممكن من الستات.
وضمن البيان، وزارة الداخلية وضحت إن القرار تقديرًا لدور المرأة المصرية، وتنفيذ لثوابت الاستراتيجية الأمنية اللي بتركز على المشاركة المجتمعية لهيئة الشرطة في المناسبات المختلفة في المجتمع المصري، ومن أهمهم مناسبات شهر مارس للمرأة.