أكتر اللحظات اللطيفة اللي شوفناها على السجادة الحمراء في مهرجان القاهرة الـ 42
لما الموضوع بيكون عن تغطية مهرجان كبير ومهم زيّ مهرجان القاهرة السينمائي الدولي، فالجوانب المختلفة اللي ممكن نتكلم عنها هتبقى كتيرة جدًا! من الفساتين والبِدل المميزة، لحد الأفلام المهمة اللي بتتعرض هناك. بس في وسط كل ده، ماكنش ينفع نفوّت تغطية الجانب الشخصي والعاطفي في الموضوع، ونتكلم عن المواقف الـ “cute” أو اللطيفة، اللي بتدي للمهرجان روحه المميزة، وشعوره إنه بيت للكل.. فتعالوا نشوف مع بعض، أكتر المواقف اللطيفة اللي شوفناها على السجادة الحمراء للمهرجان في دورته الـ 42 من أول يوم بدأ فيه لحد دلوقتي..
الطاقة وحماس النجوم على الريد كاربت
![](https://ar.scoopempire.com/wp-content/uploads/sites/4/2020/12/129720841_717565462214989_2908085737030808341_n-1024x682.jpg)
في إيه أحلى من إن إحنا نشوف كل نجومنا المفضلين مع بعض وهما في أحلى موود، مبسوطين وبينقلوا لينا حمسهم وطاقتهم الإيجابية من على الشاشة؟
احتضان الفنانين وفريق التصوير لضيف شرف صغير
كلنا شوفنا القطة اللي اقتحمت الريد كاربت وخطفت أنظار المصورين والنجوم كمان، واللي بقت جزأ لا يتجزأ من دورة المهرجان الـ 42! ولكن اللي ممكن تكونوا متعرفهوش إن القطة دي لسه موجودة في المهرجان، وبتتمشى على الريد كاربت وبقت تـ”photobomb” صور الفنانين كمان. والكل من فريق العمل القائم على المهرجان لحد الفنانين والمصورين بقوا مرحبين بيها وبيعاملوها بمنتهى اللطف.. وعلى الرغم من إن ممكن يبان إن ده موقف بسيط، بس هي الإنسانية بتبان في المواقف دي!
حضور بعض أولاد النجوم للمهرجان
وأخيرًا بعض اللحظات الرومانسية والصادقة للـ “celebrity couples”
من أحلى الحاجات في المهرجانات السينمائية، هي إننا بنشوف كم كبير من الدعم والحب اللي بيديه الأزواج لبعضهم وقت التكريمات، وعرض أفلامهم أو حتى بأبسط تعبيرات الوجه وهما بيتصوروا على الريد كاربت.. اللحظات الصادقة دي هي اللي بتفكرنا وبترجعلنا إيماننا إن دايمًا ثقافة الدعم والتعبير عن الحب موجودة، واللحظات العائلية الجميلة اللي بنشوفها بين الممثلين المتجوزين أو حتى الأخوات هي اللي بتخلينا نضحك من قلبنا وإحنا بنتفرج على أجواء المهرجان.