أسعار التذاكر والمحطات: انطلاق أول رحلة رسمية لقطار تالجو على مسار القاهرة أسوان

في ضوء توجه الدولة لتطوير خطوط السكك الحديد في مصر، دخل القطار الجديد الفاخر (تالجو) في الخدمة، وهتكون رحلته النهارده مساءً، الخميس 23 مارس، أول رحلاته الرسمية من القاهرة لأسوان.

عن: tahiamasr

وكان اشتغل قطار تالجو قبل كده بشكل تجريبي في خط القاهرة للوجه القبلي، وآخر محطة وصلت لها الرحلة، خلال الفترة التجريبية، هي الأقصر، والنهارده عدلت هيئة السكة الحديد امتداد مسار القطار علشان يوصل لأسوان.

وأول رحلات القطر الرسمية هتكون النهارده من محطة مصر في القاهرة، الساعة 10:50 بالليل، وهيوصل أسوان الساعة 10.35 صباح يوم الجمعة، بمعدل زمني أقل من 12 ساعة للرحلة كلها.

وهيشتغل قطار تالجو من القاهرة لأسوان أيام الأحد والتلات والخميس من كل أسبوع، وهيقف في محطات الجيزة وأسيوط وسوهاج وقنا والأقصر وإدفو وكوم امبو.

أما من أسوان للقاهرة، فهينطلق الساعة 7 مساءً، وهيوصل القاهرة الساعة 6:50 الصبح، وهيقف في نفس المحطات السابقة، وهيشتغل أيام الاتنين والأربع والجمعة.

عن: youm7

أما عن أسعار التذاكر: من القاهرة لأسيوط، الدرجة الأولى 350 جنيه، والدرجة التانية 250 جنيه، ولسوهاج الدرجة الأولى 500 جنيه، والدرجة التانية 300 جنيه. 

أما من القاهرة لقنا، الدرجة الأولى 550 جنيه والدرجة التانية 350 جنيه، وللأقصر 600 جنيه للدرجة الأولى والدرجة التانية 400 جنيه، أما تذكرة الدرجة الأولى من القاهرة لأسوان 700 جنيه، والدرجة التانية 550 جنيه.

آخر كلمة: ماتفوتوش قراءة: كواليس خناقة الفيديو الشهير لسيدة في حي راقي

تعليقات
Loading...