أبو الهول جديد؟ حقيقة الأخبار اللي انتشرت عن الاكتشاف الجديد في منطقة الأهرامات

أخبار عن اكتشاف لتمثال أبو الهول جديد في منطقة الأهرامات، انتشرت مؤخرًا وكانت على لسان مفتش آثار، لكن وزارة السياحة والآثار اتكلمت عن الموضوع بشكل رسمي بيحسم الجدل عن الاكتشاف، وعن طبيعة الاكتشافات الآثرية وطريقة الإعلان عنها اللي بتكون لها خطوات رسمية واضحة، مش مجرد أخبار منتشرة.

أمين المجلس الأعلى للآثار في وزارة السياحة والآثار في مصر، قال إن كل اللي تردد عن اكتشاف أبو هول جديد في منطقة هضبة الأهرام ده غير دقيق، وإن اللي تم اكتشافه مجرد صخرة في منطقة هضبة الأهرام، وإن الصخرة حتى مش اكتشاف جديد، ووضح إن الاكتشافات الآثرية ليها نظام معين في الإعلان عنها.

الصخور الآثرية في مصر عددها مش قليل، وفي مناطق كاملة بتحتوي على صخور آثرية زيّ صخرة هضبة الأهرامات، وصخرة المقطم، وغيرها كتير، لكن الضجة اللي حصلت مؤخرًا عن أبو الهول الجديد غير صحيحة، ومدير العلاقات العامة بمنطقة أهرامات الجيزة بوزارة السياحة والآثار صرح بإن الصخرة تشبه تمثال أبو الهول الأول. بيصل طوله لـ 73 متر، وارتفاع الرأس 20.5، وإن المقاسات دي تشبه تمثال أبو الهول.

زاهي حواس وزير الآثار الأسبق صرح لـ “مصراوي” إن الكلام ده تخريف ومالوش أساس من الصحة، وكلام لا يرد عليه لإنه مالوش أي صلة بالعلم، كمان إن الدراسات والأبحاث تنشر في كتاب أو مجلة علمية علشان العلماء يردوا عليها، أما الكلام اللي انتشر مالوش علاقة بالعلم، ومن ضمن الكلام إنه كان في نص مكتوب وتم مسحه، وده كلام غير منطقي.

آخر كلمة: ماتفوتوش قراءة: بالفيديو: اكتشاف آثري جديد في سقارة بيضم أكتر من 10 توابيت آدمية

تعليقات
Loading...