ياخ مراد: واحد من الكهوف المعروفة وتحفة إيرانية تشبه الألماس

ياخ مراد واحد من الكهوف المعروفة في إيران وبتقع في منطقة ألبرز، تكويناته الجليدية اللي بتمتد من السقف لحد أرضه دفعت المصور الإيراني آرمن رامزانزد إنه يستكشف المكان ده ويوثقه بعدسة الكاميرا.

الهوابط والصواعد اللي موجودة في الكهف خلقت أشكال فريدة من نوعها، وبالرغم من إنها تعتبر واحدة من عجائب إيران بس ماخدتش حقها في الإعلام أو تصويرها بالشكل اللي تستحقه ويظهر جمالها المختلف، والسبب الأساسي هو إن الوصول للمكان وتصويره بيحتاج لمعدات خاصة زيّ الخوذ والحبال، ده غير إنك هتضطر تمرر المعدات من خلال فتحات صغيرة في الكهف، بس كل ده ماوقفش المصور الإيراني إنه يوثق المكان بعدسته الخاصة.

المكان ده بيعود تاريخه للفترة الجيلوجية التانية وعلى حسب تقديرات المتخصصين إنه اتشكل أو اتكون من حوالي خمسين مليون سنة تحت سطح البحر، والكتل الجليدية دي بتتشكل في نهاية فصل الخريف وبتستمر بسبب برودة الطقس وتساقط الثلوج في المنطقة وتسرب المياه عبر جدران الكهف. وبالتالي بيفضلوا زيارة الكهف بين شهر مارس وأبريل. ومع بداية الموسم الدافيء بتبدأ رقاقات التلج إنها تذوب ومش بيتبقى غير بحيرة الجليد.

وبرغم الصعوبات الكتيرة اللي واجهت المصور زيّ الظلام الحالك اللي في الكهف وإنك لازم تتحرك بحظر علشان الأشكال الجليدية دي ممكن تنكسر بلمسة واحدة، برغم كل ده المصور شجع الناس إنها ماتفوتش التجربة دي لإنك أول لما عينك تقع علي المكان هتشوف قطع زيّ الألماس.

أخر كلمة: ماتفوتوش قراءة: رأس الهلال: واحدة من العجائب المنسية في ليبي

تعليقات
Loading...
Tweet
Share
Share
Pin