زهقت من الأكل التقليدي؟ دي وصفات مختلفة للتوست تتاكل على الفطار

بييجي علينا أوقات بنبقى زهقانين من كل أنواع الفطار، ومن شكله التقليدي، فبنحتاج من وقت للتاني تجديد في الحاجات اللي ممكن تتاكل على الفطار، ومن ضمنهم وصفات مختلفة للتوست لإننا متعودين عليه بيتقدم معظم الوقت بشكل معين مع الجبنة والمربى، بس في أكتر من شكل ووصفة نقدر ناكله بيها ومانحسش بزهق.

بيتزا التوست بالتونة

المقادير:

  • خبز التوست: 2 شريحة.
  • البطاطس: 1 حبة.
  • التونة: علبة.
  • المايونيز: ملعقة كبيرة.
  • الكاتشاب: ملعقة كبيرة.
  • جبن موزاريلا: 2 شريحة.
  • فلفل أسود: رشّة (مطحون).

الطريقة:

  • بنلف رأس البطاطس بورقة بلاستيكية وبعدين يتحط في المايكروويف لمدة 4 دقائق لحد ما يطرى شوية.
  •  بنقشر البطاطس وبعدين بنهرسها.
  •  بنحط التونة مع البطاطس والمايونيز ونخلط المكونات مع بعض.
  •  بنوزع الكاتشاب على خبز التوست وبعد كده المايونيز.
  •  بنحط خليط البطاطس والتونة وبعدين بنوزع الجبن على الوش.
  •   أخر حاجة بنخبز البيتزا لمدّة 10 دقائق في المايكرويف.

بالبيض والأفوكادو

المقادير:

  • خبز التوست: 2 قطعة (محمّص / شرائح).
  • جبن كريمي: 2 ملعقة كبيرة.
  • الأفوكادو: ربع كوب (مهروس).
  • البيض: 2 حبة.
  • ملح: ملعقة صغيرة.
  • فلفل أسود: ملعقة صغيرة.
  • الفلفل الأحمر الحار: نص ملعقة صغيرة.

الطريقة:

  • بنحط البيض علشان يتسلق لـ 8-9 دقائق.
  • بندهن ملعقة كبيرة من جبن الكريم على شريحة، وبنزود عليها ملعقتين من الأفوكادو المهروس.
  • بنقطع البيضة لشرائح، وبعدين بنضفها على وش الأفوكادو، وبنحط الملح والفلفل الأسود والفلفل الأحمر الحار.

بالتين

المقادير:

تعتبر وجبة مليانة بالفيتامينات وتقدر تكتفي بيها على الفطار، والمقاير كالتالي:

  • شريحة توست بني.
  • 2 ملعقة كبيرة زبادي.
  • تين مقطع شرائح.
  • ½ ملعقة صغيرة عسل.
  • أوراق نعناع.

الطريقة:

  • بنفرد الزبادي على التوست.
  • بنحط شرائح التين فوق الزبادي.
  • بنضيف العسل لشرائح التين والتوست بطريقة عشوائية.
  • وبعدين نرش فوقها ورق النعناع.

بالسبانخ

المقادير:

تعتبر وصفة غنية بالبروتين والحديد والخضروات وفي نفس الوقت شهية ومقاديرها كالأتي:

  • ملعقة كبيرة زيت زيتون.
  • بيضة كبيرة مخفوقة ½ كوب.
  • سبانخ.
  • شريحة توست بني.
  • ملح وفلفل أسود.

الطريقة:

بنحط الزيت على نار هادية، وبعدها البيض، وبنقلبه. وبنحط عليه السبانخ ونقلبها مع البيض، وبنرش الملح والفلفل الأسود. بعد كده نقدر نحطه على التوست.

صوابع التوست بالقشطة

المقادير:

  • 1 كوب قشطة.
  • 1/4 كوب حليب.
  • 3 ملاعق كبيرة نشا.
  • 2 ملعقة كبيرة سكر.
  • 1/4 ملعقة صغيرة فانيلا.

خليط اللصق : 

  • 2 ملعقة كبيرة دقيق.
  • 2-3 ملعقة كبيرة مياه.
  • زيت قلي.
  • سيرب (شربات الحلويات).
  • فستق ناعم.

الطريقة:

  • حشو القشطة: بنحط القشطة في طاسة على النار متوسطة لحد ما تسخن القشطة،
  • في كوباية صغيرة بنحط اللبن والنشا، وبيتقلب بالشوكة لحد ما النشا يدوب.
  • نضيف اللبن للقشطة، وبنستمر في التحريك لحد ما يتكون خليط قشطة كثيفة القوام ومتماسكة.
  • نحط شريحة من التوست، وبنضغط عليها باستعمال الشوكة لحد ما تبقى رقيقة.
  • بنضيف حوالي 2 ملعقة صغيرة من الحشوة على طرف الشريحة وبتسيب مسافة 1 سم من كل جنب، وبعدها بنلف التوست زيّ الصوابع لحد ما نوصل لنهاية الشريحة.
  • بنحط خليط اللصق على طرف الصباع، وبنمسح حافة الشريحة وبنثبتها كويس.
  • بعد ما بنخلص كل الكمية، بنحط الزيت النباتي في طاسة عميقة وسخنة، وبنقلبها لحد ما تبقى لونها ذهبي ومقرمش.
  • وبعدها بنحط صوابع التوست لما تبرد في السيرب، ومن بعدها بنرش الفستق.

أخر كلمة: ماتفوتوش قراءة: أماكن الفطار اللي تستحق التجربة في القاهرة الجديدة

تعليقات
Loading...
Tweet
Share
Share
Pin