وصفات بسيطة وطبيعية لعلاج حروق الشمس

في الأجازات الكتير اللي جاية والسفر، وكمان مع ارتفاع درجة الحرارة، الكل بيخطط لأجازات وسفر وبحر علشان نفصل ونغير جو، وفي الموجات الحر اللي جاية في موسم الأجازات دي، لازم نخلي بالنا ونحافظ على بشرتنا من الحروق البسيطة اللي كلنا بنتعرضلها، علشان كده هنقولكم وصفات طبيعية سهلة علشان تعالجوا الحروق الخفيفة من الشمس، والوصفات تنفع للجسم وللوجه، لكن طبعًا لو الموضوع مش بسيط لازم تروح لدكتور وبسرعة.

وصفة خل التفاح

عن: محيط

بطريقة بسيطة جدًا، استعمل خل التفاح لمعالجة مشاكل البشرة اللي أشهرها حروق الشمس، هنستعمل خل التفاح المخفف، حطه على المنطقة المصابة باستعمال قطنة، وكرر كل ساعتين، وممكن تستعمل خل التفاح مع العسل.

وصفة الخيار

عن: هي

الخيار مشهور في وصفات العناية بالبشرة لإنه بيهدي ويرطب البشرة بشكل كبير وسريع، وبطريقة بسيطة ممكن تستخدم شرايح الخيار على المنطقة المصابة، وهتحس بفرق في وقت قليل وكمان هيقلل الألم.

وصفة جل الصبار

عن: vogue

جل الصبار أو الألوفيرا علاج طبيعي لحروق الشمس، حط كمية من جل الصبار على المنطقة المصابة، من غير أي إضافات، هيرطب البشرة من الالتهابات والحروق، خصوصًا لو جل الصبار الطبيعي النقي، له فاعلية أعلى من المنتجات المصنعة.

وصفة اللبن

عن: الجميلة

اللبن البارد بيساعد على علاج الالتهابات من غير ضرر، بقطعة قماش أو قطنة غمسها في اللبن وحطها على المنطقة المصابة لمدة خمس دقايق، وكرر ده على فترات.

وصفة شاي البابونج

هنغلي شاي البابونج ونحطه في التلاجة بعدها، ونستعمل الشاي المثلج على المنطقة المصابة بحروق الشمس، هيهدي البشرة من الإحمرار والالتهاب.

وصفة الشوفان

عن: محيط

بخلط شوفان مع عسل ولبن، هيكون عندنا وصفة مثالية لعلاج حروق الشمس والالتهابات، حط الخليط ده على المنطقة المصابة لمدة 20 دقيقة، وبعدها امسحه بقطعة قماش مبلولة بمياه باردة، وكرر ده لحد ما الحروق تختفي.

آخر كلمة: ماتفوتوش قراءة: لتعويض قلة الترطيب في رمضان: وصفات طبيعية للعناية بالبشرة

تعليقات
Loading...
Tweet
Share
Share
Pin