ناصف ساويرس يوافق على عرض استحواذ بـ 4.7 مليار دولار لشركة طيران خاصة

طبقًا لوكالة أنباء وكالة بلومبيرج، الملياردير المصري ناصف ساويرس وافق على قبول عرض استحواذ لحصته في شركة الطائرات الخاصة “Signature Aviation” بقيمة 4.7 مليار دولار، اللي هيزود حجم ثروته اللي متقدر بحوالي من 8.8 مليار دولار لـ 14.5 مليار دولار، وفقا لفوربس.

شركة ساويرس الاستثمارية “NNS” قررت الموافقة النهارده 22 فبراير على بيع حصتها البالغة 7.42% من قيمة “Signature” اللي بتعد أكبر شركة طيران خاص في العالم لتحالف استثماري بقيادة  Blackstone Group and Global Infrastructure Partners.

اقرا كمان: ناسا اختارت مبادرة رواد النيل عشان تصنع أجهزة تنفس صناعي لمواجهة فيروس الكورونا المستجد.

عن: AVweb

ساويرس بيعتبر تالت أكبر مساهم في “Signature” بحصته، وصفقة الاستحواذ دي هتساعد في انتهاء حرب اقتصادية استمرت كذا شهر في مجال الطيران الخاص على مين هيكون أكبر مشغل لقواعد الطيران الخاص.. وفي خلال الشهر ده اتعاونت كل من شركة GIP وبلاكستون اللي كانوا بيتنافسوا قبل كده على رفع سعر السهم في “Signature” عشان يوصل لـ 5.62 دولار.

وبعد موافقة ناصف ساويرس على العرض ده، من المرجح إن عرض Blackstone GIP هو اللي هيتوافق عليه، خصوصًا بعد ما اتنشر كلام عن دعم الملياردير الأمريكي بيل جيتس ليه، اللي بيعتبر صاحب أكبر حصة في الشركة.

آخر كلمة: ماتفوتوش قراءة: جوجل تفتح التقديم لتطبيق دعم الشركات الناشئة في الشرق الأوسط وشمال أفريقيا.

تعليقات
Loading...
Tweet
Share
Share
Pin