موفمبر: حملة مخصصة بالكامل لصحة الرجل والتوعية بأخطر الأمراض

في الوقت اللي بتزيد فيه خطورة الأمراض، فمن الطبيعي إن أشهر السنة بتتحول لأشهر توعية ببعض الأمراض، زيّ ما شهر أكتوبر هو شهر التوعية العالمي لسرطان الثدي، شهر نوفمبر هو شهر التوعية لأمراض الرجال، وبيطلقوا عليه اسم “موفمبر”. طب إيه قصة الشهر ده؟

موفمبر دمج ما بين كلمتين”شهر نوفمبر، وكلمة شوارب Moustache “وده كان بناءً على اقتراح من اتنين في إستراليا سنة 2003 وقرروا إنهم يطلقوا شواربهم كنوع من أنواع الدعم لصحة الرجل والتعهد إنهم هيكشفوا بشكل مبكر، وخصوصًا الناس اللي بتعاني من سرطان البروستاتا، وبدأ الموضوع بمشاركة 30 شخص تقريبًا من الرجالة، وبدأت الحملة توصل لعدد أكبر للناس لحد ما ثقافة الحملة بدأت تنتشر ووصلت لأكتر من 21 دولة في العالم.

عن: MATIC

الحملة دي بتتعمل في شهر نوفمبر وبيبقى هدفها الأساسي التركيز على أهم ركائز الصحة عند الرجال علشان يتجنبوا الوفاة المبكرة، زيّ سرطان البروستاتا واللي بيعتبر أكتر أنواع السرطانات انتشارًا بعد سرطان الرئة، وسرطان الخصيتين واللي بيصيب رجالة كتير وللأسف مش بيكتشفوه إلا متأخر أوي. وبجانب الأمراض العضوية، فالحملة بتهتم بالجانب النفسي والصحة العقلية وازاي ممكن يمنعوا الشخص إنه يقدم على الانتحار والتوعية بيه زيّ مرض الاكتئاب وأهمية الأهتمام بالرياضة. الحملة نجحت بمشاركة 5 مليون عضو إنهم يجمعوا 600 مليون دولار وتمويل أكتر من 1000 برنامج طبي وأكاديمي مختص بسرطان الرجل.

أخركلمة: ماتفوتوش قراءة: في شهر التوعية بالصحة النفسية: إيه العلامات اللي تقولك إن صحتك النفسية محتاجة لاهتمام؟

تعليقات
Loading...
Tweet
Share
Share
Pin