موضة الشتا: طرق مختلفة لتنسيق البنطلون الجلد

لنزولة كاجوال، أو خروجة بالليل. البنطلون الجلد دلوقتي من أكتر الحاجات اللي ينفع ندخلها في أكتر من outfit ويغير من شكلها ويخليها أشيك من غير ما نعمل مجهود، هو بيقوم بالدور ده. كمان يعتبر قطعة trendy جدًا الشتا ده. بس ممكن نحتار واحنا بننسقه مع الهدوم. لو بتحتاري تعالي نعرف أفكار كتير مختلفة للبس البنطلون الجلد بأكتر من شكل وستايل. ونشوف كمان influencers ونجوم بنحبهم بينسقوه ازاي.

  • لـ outfit شيك من غير مجهود، البالطو دايمًا يحل المعادلة الصعبة دي، فلما ننسق البالطو على بنطلون جلد، هيطلع طقم شكله شيك وسهل وكمان مريح.
عن: fustany
  • في آخر ظهور لنانسي عجرم بصورة مع عيلتها في أجواء الأعياد، شوفناها لابسة بنطلون جلد بطريقة، وشوفنا كمان بنتها لابساه بطريقة تانية، والاتنين شكلهم طبعًا شيك وبسيط، طريقة كلاسيك شوية وطريقة كاجوال
  • لو جربنا نخلي الطقم كله بيعتمد على الجلد وخصوصاً لو أسود، هنلاقي ستايل شيك وجديد. شوفنا نورهان عيسى نسقتهم ازاي.
  • كمان لو جربناه بستايل كاجوال على Hoodie هيدينا شكل مميز، زيّ ما شوفنا على بيري عيسى.
  • أو لو ستايل البنطلون نفسه واسع، هنقدر بحاجات بسيطة زيّ توب عادي وبوط، نخليه طقم cool زيّ ما عملته بيري في outfit مختلفة
  • وممكن نجربه على بلوفر واسع أو قميص، أو الاتنين مع بعض!
  • لو على بليزر واسع بستايل oversize هيدي شكل مختلف خالص وكاجوال. زيّ ما شوفناه على البلوجر إيما عبدالعزيز.

كل دي طرق نقدر نغير بيها من شكل البنطلون الجلد وننسقه على أكتر من قطعة، تخليه يدي شكل مميز للطقم كله وشكل شيك بكل بساطة ومن غير تفكير كتير.

آخر كلمة: ماتفوتوش قراءة: غير العادي: ألوان فاتحة مختلفة للبس الشتا

تعليقات
Loading...
Tweet
Share
Share
Pin