مهرجان القاهرة السينمائي بين الزي الرسمي والتجديد

الفنان حسين فهمي، رئيس مهرجان القاهرة السينمائي الدولي، خرج بتصريحات عن تحضيرات الدورة ال44 من المهرجان، ومن ضمن التصريحات اتكلم عن اللبس وطبيعته في الدورة الجاية، وقال إنه بيخطط إن اللبس يكون مختلف عن السنين اللي فاتت، وعن نيته في وضع زي رسمي أو dress code للمهرجان؛ لإنه شايف إن المهرجان في السنين الأخيرة انحصر في الفساتين والمجوهرات، وإن ده مش مهرجان.

“لازم كلنا نبقى ملتزمين بالملابس الرسمية بتاعة كل المهرجانات الدولية، ألان ديلون لما جيه المهرجان كان جاي بالبدلة السموكينج على كتفه، ده عادي واللبس اللي احنا بنتفق عليه دولياً”، وكمل كلامه “لما جيت المهرجان لقيت إن كل واحد بيلبس اللي هو عايزه، أنا لما حد بيجيلي البيت مش هستقبله بالبيجاما، هلبس كويس والستات تلبس لطيف”. وأضاف: “للأسف الشديد الأمر تطور لأكثر مما كنت متخيل، وبقى عبارة عن (وريني يا حبيبتي الفستان، طيب لفي كده.. مين اللي عامل التسريحة واسمه إيه الكوافير؟).. مش ده المهرجان”. ده كان جزء من التصريحات اللي اتقالت في فيديو.

عن: see.news

دي مش المرة الأولى حسين فهمي يتكلم فيها في فكرة اللبس الرسمي، لإنه في حديث قديم له مع جريدة الوطن اتكلم عن ذكرياته مع فترة رئاسته لمهرجان القاهرة السينمائي، وقال: “فترة ترؤسي للمهرجان، التي أصررت فيها على ارتداء المدعوين بدلة سموكن في الافتتاح والختام، والتزم الفنانون الكبار والجدد بالقرار حينها، وأذكر أن علاء ولي الدين، رحمه الله، قال لي: أنا أول مرة في حياتي ألبس بدلة سموكينج، ورحت فصلتها مخصوص عشان آجي.”

مهرجانات سينمائية كتير حول العالم بتلتزم بزي رسمي، زيّ مهرجان كان اللي بيشترط البدلة السموكينج واللبس الرسمي الشيك، وحسين فهمي قال إنه عايز يخلّي مهرجان القاهرة بيمشي على نفس النهج. لكن في السنين الأخيرة شوفنا صيحات موضة كتير جديدة، سواء للبدل أو الفساتين وكمان الجامبسوت، والناس كانت بتتفنن في صنع موضة جديدة وبيستغلوا حدث زيّ المهرجان علشان يقدموا الموضة دي، حبينا نفتكر إطلالات مختلفة من السنين اللي فاتت، ونفتكر كمان إطلالات بلبس رسمي.

عن: dostor

غالبًا الفنانين بيهتموا يلبسوا رسمي في حفل الافتتاح وحفل الختام كل سنة، خصوصًا إن مهرجان القاهرة له طابع خاص من الفخامة، غير المهرجانات اللي بطبعها روشة شوية أو الأجواء بتاعتها مختلفة، فبنشوف الفنانين بيهتموا بلبس زي رسمي.

عن: e7kky

لكن كمان التغيير والموضة كان ليهم حظ في مهرجان القاهرة، والنجوم في بعض الأوقات بيحبوا ينوّعوا ويقدموا كل جديدو ومختلف، حتى لو في حفل الافتتاح، زيّ ما شوفنا آسر ياسين وهو داخل بموتوسيكل ولبس بنفس الجو وداخل السجادة الحمراء بخوذة، وده كان جزء من الدعاية لفيلمه “الشايب” لإن ده كان اللوك بتاعه في الفيلم.

عن: e3lam
عن: sayidaty

طبيعي خلال فعاليات المهرجان اللي غالبًا بتمتد لأسبوع أو أكتر، مش كل يوم الفنانين بيلبسوا رسمي، فبنشوف الفنانين بيشاركوا في فعاليات المهرجان وعروض الأفلام بإطلالات كاجوال، وده بيخلينا نشوف تنوع في الموضة والأزياء خلال فترة المهرجان.

عن: vetogate

وكتير من الفنانين، مش بس في مصر لكن في العالم كله، بيحبوا يحضروا المهرجانات بإطلالات مختلفة تجذب الانتباه، وبنشوف الناس بتتكلم عن الإطلالات الغريبة في المهرجانات.

عن: mahttmsr

آخر كلمة: ماتفوتوش قراءة: إطلالات كاجوال على السجادة الحمراء في مهرجان القاهرة

تعليقات
Loading...
Tweet
Share
Share
Pin