في الشغل الفترة دي مش محتاج تشوف بطاقات علشان تعرف مين من جيل زد، هتعرفهم من أول موقف وأنت بتتعامل معاهم.
في المقال ده، هنقرب شوية من الجيل ده ونشوف أبرز الشخصيات اللي ممكن تقابلها منه في الشغل، علشان جيل زد داخل الشغل بقواعده، بلغته، وبفلسفته، محتاجين نكون جاهزين للمفاجآت!
لا تفوّت قراءة: كيف تفهم لغة جيل الـ Gen Z؟ دليلك الذكي والمبسط للمصطلحات العامية
الرافض الرسمي للاجتماعات وبيخلص أموره أونلاين
جيل زد أساسًا هو أول جيل رسمي عاش التكنولوجيا من أولها، مابيشوفش أهله أساسًا.
وكل حياته على السوشيال ميديا، تيجي أنت تدبسه في ميتيج كل أسبوع وحضور رسمي؟
هو بيشوف الميتينج مضيعة وقت وكلام متكرر، وبيفضل أنه يحل مشاكله على الضيق أونلاين أو من خلال الواتساب.
الصديق الوفي لـ”شات جي بي تي”
الدراسات أثبتت أن شات جي بي تي هو الصديق الوفي لجيل زد كلهم، هو اللي بيحتويهم ويسمع مشاكلهم ويساعدهم.
وبالتالي من الطبيعي عند أي مشكلة في الشغل تلاقي شخصية من جيل زد تقولك “استنى بس اسأل شات جي بي تي” كأنها بتاخد رأي أخوها الكبير.
المتقمص لشخصية “إلغي رحلتي”
جيل زد هو أكتر جيل عرضة لمشاكل الصحة النفسية والقلق الاجتماعي بسبب الكم الهائل من المعلومات اللي بيتعرض لها يوميًا.
ده غير أنه جيل أكتر عنده وعي برضه بصحته النفسية من كتر التفتح والحوادث اللي بقى يشوفها كل يوم.
وبالتالي الجيل ده مش بيسمي، صحته النفسية عنده رقم واحد وأي ضغط هيحس بيه هيتقمص شخصية الكاتبة صافيناز كاظم صاحبة الإيفيه الأشهر “إلغي رحلتي” ويمشي!
لا تفوّت قراءة: لابوبو تشعل الترند وتفتح صندوق الذكريات: 7 دمى لا تُنسى من طفولتنا!
مسؤول المنيو .. صاحب كل التريندات والافتكاسات
ده اللي بيجي الصبح ماسك القهوة بتاعه في إيده وعلى مدار اليوم يطلب أكل ماسمعناش عنه في آخر 10 سنين ومش عارفين اخترعوه امتى ولا هو كان موجود واتلعب في هويته.
بس جيل زد بما إنه متابع لكل التريندات وكل الجديد هتلاقيه بيفاجئك بعصير جديد وأكلة جديدة علشان تجربوها في الشغل.
لا تفوّت قراءة: أبرز 10 ملاعب بادل في قلب القاهرة.. اكتشف أماكن اللعب الأقرب إليك!
المتقمص لشخصية “كلاوي جينيس الشقة”
أكتر حاجة مميزة في الجيل ده إنه فاهم في التكنولوجيا وبيتعامل معاها منذ نعومة أظافره.
اتعودوا وهم صغيرين يحلوا مشاكل الواي فاي، ينزلوا برامج، وهكذا.
يعني بدل ما يخافوا من التغيير التكنولوجي، هما بيبقوا المسؤولين عن أي حاجة لها علاقة بالتكنولوجيا حتى لو مش من ضمن تخصصهم.
اللي ماشي بقاموس مصطلحات الجيل
لأنهم متعودين يكتبوا بسرعة وباختصار على الشات، بيستخدموا رموز وGIFs وحاجات كتير مش دايمًا مفهومة عند الكبار.
هتلاقي في معظم الأحيان كلامهم غير رسمي وكإنه بيتكلم مع واحد صاحبه مش مديره أو رئيسه في الشغل وممكن تلاقيه داخل عليك لابس كروكس.
لكن في المواقف الرسمية أو الاجتماعات الكبيرة، بيحتاجوا يتعلموا إزاي يعبروا بوضوح وبشكل رسمي شوية.