من ألعاب نارية حطمت أرقام في جينيس لحفلات غنائية: إزاي الشرق الأوسط احتفل في ليلة رأس السنة؟

احتفالات وأجواء مميزة في كل مكان، وكل واحد بيحتفل بطريقته، من حفلات غنائية لتجمعات وألعاب نارية حطمت أقرام قياسية في موسوعة جينيس، حتى تقضية الوقت في البيت مع العيلة والأصحاب، مشاهدة الأفلام والمسلسلات، العالم العربي احتفل بكل الطرق ببداية سنة جديدة متفائلين فيها بكل حاجة حلوة، وبتوديع سنة عدت حققنا فيها حاجات مختلفة، ومن احتفالات مميزة كسرت أرقام قياسية في جينيس، لحفلات لنجوم بنحبهم، تعالوا نشوف إزاي الناس في الشرق الأوسط احتفلت في ليلة رأس السنة.

مهرجان الشيخ زايد

في العاصمة أبوظبي، مهرجان الشيخ زايد شهد احتفالات بالسنة الجديدة بفعاليات واستعراضات استثنائية، وحطم الرقم القياسي لأكبر عدد من الألعاب النارية من حيث الكمية والوقت والشكل، أضخم عرض للألعاب النارية بـ 40 دقيقة متواصلة نوّرت فيها سماء منطقة الوثبة بألوان أبهرت كل الزوار وخلتهم يعيشوا تجربة مميزة بدخول السنة الجديدة.

ليلة تريو الرياض

عن: هي
عن: aawsat

ضمن فعاليات موسم الرياض، واحدة من أقوى الحفلات في الوطن العربي ضمت 13 فنان بنحبهم، منهم أصالة وأنغام ومحمد عبده وأحلام ونبيل شعيل، وفنانين كتير وجودهم على نفس المسرح كان بداية مميزة لـ 2022.

أول ليلة رأس سنة في مدينة الجلالة

في مدينة الجلالة المصرية، شهدت الاحتفالات فيها حفلة للفنان محمد حماقي يوم 30 ديسمبر، وحفلة للفنانة نانسي عجرم يوم 31، ودي تعتبر الاحتفالات الأولى بليلة رأس السنة في مدينة الجلالة منذ انشائها، وده اللي خلاها احتفالات مميزة وبجمهور كامل العدد.

اكسبو دبي 2020

في تجربة فريدة من نوعها، على مدار 13 ساعة مع 12 فنان منهم دي جي سكيب، وكانيكا كوبر، وأنياسا، ودميتري فيجاس، إكسبو دبي اللي حقق نجاح من بدايته، قدم ليلة رأس السنة بشكل مختلف، بعروض فنية مع فنانين من كل أنحاء العالم، بموسيقى الهاوس والبوب والهيب هوب والإلكترو هاوس، اللي أضافت بهجة مميزة ومختلفة مع لمسة كل فنان.

وطبعًا الاحتفالات في برج خليفة في دبي بنستناها كل سنة، بعروض مبهرة.

وسط كل الاحتفالات الضخمة في كل مكان، مش عايزين ننسى اللي احتفلوا في البيت بقعدة هادية مع الناس اللي بيحبوهم، واتفرجوا على حلقات مختلفة من البرامج اللي استضافت فنانين الناس بتحبهم وبتستنى تشوفهم في لقاءات وحوارات على التليفزيون، وعلى قمة البرامج دي، امبارح الناس كانت بتتكلم عن حلقة الفنانة شيرين عبدالوهاب في برنامج صاحبة السهادة، وحلقة الفنان تامر حسني في برنامج معكم منى الشاذلي، وحلقة الفنانة أنغام في برنامج أبلة فاهيتا.

آخر كلمة: متفوتوش قراءة: أول يوم في السنة الجديدة: قرارات لازم نسعى لتحقيقها.

تعليقات
Loading...
Tweet
Share
Share
Pin