مناطق كتير بتتزين للسنة الجديدة والكريسماس بأجواء جميلة

في أخر كام سنة، الناس بقت تهتم تحتفل بشكل أكبر بالسنة الجديدة بأجواء لذيذة، شجرة الكريسماس والزينة والهدايا، واللبس بألوان حمراء وخضراء، والصور في وسط ديكورات الكريسماس احتفالًا بالسنة الجديدة والموضوع مابقاش بس احتفال ديني بعيد الميلاد المجيد، الناس كلها بتشارك الأجواء المفرحة دي في الشرق بشكل جميل، وبيودعوا سنة ويستقبلوا سنة جديدة بفرحة.

التايملاين كله بيتحول في الفترة دي لصور في أماكن كتير في كل حتة في مصر، بتتزين بأجواء الكريسماس، وبتبقى منافسة في مين اتصور صور أحلى، وتحس إن ناقصنا الجو يمطر تلج بس، في زايد، في التجمع، في الكوربة، وحتى وسط البلد، المولات والمحلات وكمان الميادين والشوارع، الناس بقت تهتم تحتفل بأي مناسبة، ومناسبة قدوم سنة جديدة بتعتبر مناسبة مهمة الناس بتتفائل بيها، وهما بيودعوا سنة بتعدي بالحلو والوحش اللي فيها، وبيستقبلوا سنة جديدة بأحلام وتفاؤل وخطط جديدة.

طبعًا غير الهزار، الناس مبسوطة بالاهتمام بالمناسبات دي ومابتصدق تفرح وتشارك صورها مع اللي بيحبوهم في أجواء حلوة، مستنيين نشوف الـ profile pictures بتتغير وفيها باكجراوند الاحتفالات والشجرة والزينة، في أي منطقة من اللي بيتزينوا احتفالًا بالسنة الجديدة، بالـ Christmas Lights والأجواء المفضلة في السنة.

آخر كلمة: اتبسطوا بالأجواء دي واتصوروا.. وكمان ماتفوتوش قراءة: وصفتنا السحرية: طريقة عمل كوكيز بمناسبة الكريسماس علشان تكملوا الاحتفال

تعليقات
Loading...
Tweet
Share
Share
Pin