مطار جدة بيحتوي على أكبر حوض سمك جوا مطار في العالم، ودي كل حاجة محتاجين تعرفوها عنه…

مطار جدة الجديد غرب المملكة العربية السعودية بيحتوي على أكبر حوض للأسماك في مطارات العالم، ومع عودة حركة الطيران الدولية من جديد، نشر المطار على صفحاته الرسمية على السوشيال ميديا معلومات عن الحوض، وتجهيزاته، وتدابير الأمان فيه.

تصميم الحوض مستوحى من بيئة جدة البحرية وتاريخها القديم، وهو بيتسع لمليون لتر من الماء، وبيوصل ارتفاعه لـ 14 متر وقطره لـ 10 أمتار، وكمان بيشمل 4 خزانات مختلفة لتدوير وصيانة مياه البحر علشان يتم ترشيد استهلاك مياه البحر المُستخدمة فيه.

بواسطة: العربية.نت

الحوض بيحتوي على حوالي 2000 كائن بحري من أشهر 65 نوع من أسماك البحر الأحمر زي القرش، واللخمة، والتريفالي، والمونو، والتريغر. وبالنسبة للشعاب المرجانية الموجودة فيه، فهي مصنوعة من السيليكون واللاتكس، وبكدة بتمثل مرجان البحر الأحمر الحقيقي.

بيتولى غواص متخصص صيانة الحوض وتغذية الأسماك مرتين في اليوم، والحوض بيشمل 3 أنظمة للحجر الصحي لعزل الأسماك الجديدة في أحواض مستقلة علشان تتاقلم مع بيئتها الجديدة، ويتم التأكد من سلامتها قبل إدخالها لحوض السمك الرئيسي.

بواسطة: تويتر

الحوض كمان مزود بنظام إضاءة بيحاكي دورة اليوم العادية من خلال استخدام 16 مصباح هالوجين للإضاءة النهارية، و10 مصابيح ليد للإضاءة الليلية اللي بتشبه ضوء القمر.

آخر كلمة: متفوتوش قراءة بالصور: مطار جديد على شكل سراب الصحراء بـ “أمالا” في السعودية!

تعليقات
Loading...
Tweet
Share
Share
Pin