مشروع كايرو بايك: دراجة لكل مواطن لتقليل الزحمة والتلوث

في تعاون ما بين الحكومة المصرية ومؤسسة فريدريش إيبرت الألمانية وبرنامج الأمم المتحدة للمستوطنات البشرية “مونل”، تم الإعلان عن مشروع كايرو بايك وهو مشروع الهدف منه توفير دراجات هوائية “عجل” بشكل متوسع للمواطنين لتشجيع ثقافة ركوب الدراجات.

كايرو بايك
عن: ytimg

والهدف من مشروع كايرو بايك هو تشجيع المواطنين على استخدام وسائل نقل صديقة للبيئة لتقليل استخدام وسائل النقل اللي بتستخدم البترول، وبكده نقدر نقلل من الإزدحام المروري في الشوارع ونقلل الإنبعاثات الضارة اللي بتسبب التلوث الهوائي.

المشروع بيتم التجهيز له من 2016 والدراسات اللازمة لإطلاقة تمت بمشاركة محافظة القاهرة، وبرنامج الأمم المتحدة للمستوطنات البشرية، ومؤسسة دورسوس السويدية، ومن المتوقع إطلاق المشروع في مناطق مختلفة من محافظة القاهرة خلال فترة قصيرة.

المشروع هو جزء من خطة مصر للتنمية المعروفة باسم مصر 2030، وهيتم أول إطلاق تجريبي للمشروع خلال شهرين، يعني في شهر مايو، وهيتبع الخطوة دي تشغيل أول مرحلة من المشروع واللي هتكون في مناطق معينة من القاهرة زيّ وسط البلد وجاردن سيتي ومناطق من الزمالك.

وأول مرحلة في المشروع هيكون فيها 500 دراجة بيخدموا 45 محطة في وسط البلد والزمالك وجاردن سيتي، بما فيها محطات قريبة من المترو علشان يوصلوا وسائل المواصلات في القاهرة ببعض ويسهلوا الاستخدام.

وهيكون في أبليكيشن خاص بمشروع مشاركة الدراجات واللي هينسق عملية استئجار الدراجات واستخدامها، وهيكون فيه باقات مختلفة يقدر المستخدم يشترك فيها علشان يأجر الدراجات، وهيسمح الأبليكيشن للمستخدم باستئجار دراجة من محطة معينة وركنها في محطة تانية.

آخر كلمة: ماتفوتوش قراءة: ناس من هليوبوليس: فعالية فنية في محطات المترو تجمع الفنانين والجمهور

تعليقات
Loading...
Tweet
Share
Share
Pin