مشروبات الشتا: أنواع مختلفة للشاي غير اللي متعودين عليه

“خربوش الشاي” اللي متعود عليه والناس كلها بتقدر قيمته دلوقتي، واللي بنشربه كمصريين في كل الأوقات والحالات، الشاي اللي احنا عارفينه مش هو النوع الوحيد للشاي، بس هو أشهرهم خصوصًأ للمصريين، لكن علشان الشتا يحب المشروبات الدافية، وعلشان كمان احنا بنزهق، حبينا نعرف أنواع تانية للشاي غير اللي احنا عارفينه، علشان ننوع في مشروبات الشتا ونتدفى من غير زهق، ده غير كمان فوايده المختلفة للجسم وخصوصًا مساعدته في علاج نزلات البرد.

شاي الكركم

بخصائص مضادة للالتهابات ومضادة للبكتيريا وكمان الميكروبات، شاي الكركم بفوائده الطبيعية مش بس هيدفيك في البرد، كمان هيساعدك تتخلص من نزلات البرد وتوابعها.

شاي البابونج

عن: elconsolto

النوع ده من الشاي معروف إنه بيساعد على تهدئة الأعصاب في وقت التوتر والقلق، وكمان بيعزز المناعة وده احنا في أشد الحاجة له حاليًا، وكمان بيهدئ أعراض البرد وبيساعد على الوقاية منه.

شاي الكركديه

عن: mozaliza

بفوائده اللي بتساعد على خفض ضغط الدم، واحتوائه على مضادات أكسدة، نوع مختلف ومميز من الشاي لازم تجربه في الشتا.

الشاي الأخضر

مش بس للدايت وإنقاذ الكوارث اللي بنعملها فيه زيّ ما احنا متخيلينه بطل خارق، الشاي الأخضر عمومًا له فوائد أكتر من كده، لإنه غني بمضادات الأكسدة اللي بتساعد في تقليل مخاطر الإصابة بالإنفلونزا ونزلات البرد.

شاي الزنجبيل

عن: web teb

مفيد جدًا للمعدة، وبينظم عملية الهضم، غير إنه بيساعد في الوقاية من نزلات البرد والأنفلونزا وإنه بيحتوي على مضادات للبكتيريا.

شاي المريمية

فوائده مختلفة للبشرة ونضارتها، غير إنه بيساعد بشكل قوي في تنشيط الذاكرة، والوقاية من مرض السكر.

آخر كلمة: ماتفوتوش قراءة: مشروبات بتبقى هي ملجأنا الوحيد في فصل الشتا

تعليقات
Loading...
Tweet
Share
Share
Pin