بعد رفع حالة الطوارئ: نجاح عبور سفينة إيفرجيفن من قناة السويس

العالم كله كان مستني عبور سفينة إيفرجيفن من قناة السويس، واللي كانت ضمن قائمة الجنوب اللي جاية من البحر الأحمر في اتجاه البحر المتوسط عبر القناة وبعدها لأوروبا، وعلشان كده رفعت هيئة قناة السويس حالة الطوارئ داخل المجرى الملاحي للقناة، علشان يدوا للسفينة فرصة إنها تعبر بشكل أمن، ده غير إنهم عينوا قاطرتين واحدة في الأمام وواحدة في الخلف علشان، يبقوا مع السفينة لحظة عبورها، بالإضافة إن هيئة قناة السويس اختارت اتنين من أفضل كبار مرشديها علشان يرشدوا السفينة البنمية خلال رحلتها اللي هتستغرق حوالي 10 ساعات.

وفعلًا بعد الاستعدادات دي نجحت في إنها تعبر بالرغم إن هيئة الأرصاد حظرت من شبورة مائية في الأحد على السواحل الشمالية ومدن القناة ووسط وشمال الصعيد.

بتعتبر السفية دي واحدة من أكبر سفن الحاويات في العالم، طولها حوالي 400 متر وعرضها 59 متر، وحمولتها الإجمالية بتسع 224 ألف طن، السفينة اتعرفت إعلاميًا باسم السفينة الجانحة واللي جنحت في قناة السويس في 23 مارس، وبعد ستة أيام نجحت قناة السويس في تعويمها، من خلال 10 قاطرات من أربع اتجاهات مختلفة علشان يحاولوا يخلوا السفينة مستقيمة في المجرى الملاحي وكان وقتها حدث مهم نقلته كل الصحف العالمية ونقلوا معاها الاحتفالات اللي حصلت في قناة السويس.

أخر كلمة: ماتفوتوش قراءة: بعد 6 أيام: نجاح تعويم سفينة “ايفرجرين”.. واحتفالات بقناة السويس

تعليقات
Loading...
Tweet
Share
Share
Pin