خدمة الحجز الإلكتروني لشواطيء اسكندرية، إيه الحكاية؟

أعلنت الإدارة المركزية للسياحة والمصايف في محافظة الإسكندرية، برئاسة اللواء جمال رشاد البدء في تفعيل خدمة الحجز الإلكتروني علشان الناس تقدر تدخل الشواطيء، يعني تستعلم عن نسبة الإشغال والزحمة قبل ما تروح، وبالتالي تقدر تستخدم وتحجز في المكان الفاضي أو الأقل زحمة، وده هيخلصنا من مشكلة تضييع وقتنا واحنا بندور على شمسية فاضية علشان نقعد عندها.

وقرار خدمة الحجز الإلكتروني ده جيه ضمن اجراءات اتخذتها الحكومة للتعامل والتوسع في استخدام التكنولوجيا للتقليل من الابتزاز وتحقيق قدر كبير من الشفافية بالإضافة لتحسين مستوى الخدمة المقدمة لرواد الشواطيء دي، وفعلًا تم تفعيل الخدمة على موقع الإدارة، وده جيه بالتزامن مع تطبيق الاجراءات الاحترازية للحد من انتشار فيروس كورونا واللي وضعتها الحكومة وكان من ضمن الضوابط دي الأتي:

  • إلزام أطقم عمال الشواطئ بارتداء الكمامات.
  • الالتزام بوجود جهاز قياس درجات الحرارة على بوابات الشواطيء.
  • التأكد من وجود مسافات بينية ٤ متر بين كل شمسية والتانية.
  • توافر اسطوانات أكسجين بالوحدات الطبية على الشواطيء.
  • توزيع نشرات توعية على رواد الشواطيء للتذكير بالاجراءات اللي لازم تتنفذ اتخاذها.
  • إلزام مستأجري الشواطيء بتطبيق الاجراءات الاحترازية واللي أصدرها مجلس الوزراء، وفرض الغرامات على مستأجري الشواطيء المخالفة لتطبيق الاجراءات الاحترازية واللي ممكن تصل إلى فسخ التعاقد.
  • التعقيم المستمر والدائم لوحدات وأماكن خلع الملابس ودورات المياه.

أخر كلمة: ماتفوتوش قراءة: قرار وزارة الصحة اللي سبب غضب كل الدكاترة في مصر

تعليقات
Loading...
Tweet
Share
Share
Pin