مجموعة من قرارات الأزهر المهمة المثيرة بخصوص المرأة، اتعرف عليها

حسم شيخ الأزهر الإمام الأكبر أحمد الطيب، الجدل حول مجموعة من القرارات المتعلقة ببعض القضايا المعاصرة اللي تخص المرأة، وذكرهم واتكلم عنهم من خلال صفحته الرسمية على تويتر وكانت من أهم قرارت الأزهر اللي اتكلم فيها الآتي:

  • فيما يخص سفر المرأة: السفر دون محرم يجوز لو كان السفر آمنًا ومع مجموعة من الناس يؤتمن عليهم، لإن كان زمان معروف إن أساليب السفر كانت صعبة وشاقة ومرهقة وخصوصًا إن ماكانش في لا طيارة ولا عربية يسهلوا الموضوع، فكان السفر عن طريق الصحراء وكان بيشكل خطر كبير على المرأة، لكن دلوقتي الوضع أصبح أكتر أمان ووسائل الراحة متوفرة واللي خلت السفر أسهل مما يكون.
  • أما الوظايف: ليها حق إنها تشتغل في كافة الوظايف واللي من ضمنها المناصب العليا في الدولة زيّ الخارجية والقضاء والإفتاء.
  • بالنسبة للطلاق: الطلاق التعسفي بدون سبب حرام شرعًا وده اللي ممكن يعمل ضرر لكل الأطراف.
  • بالنسبة للشبكة: في حالة فسخ الخطوبة من قبل البنت لازم ترجع الشبكة، ولو العكس الشبكة من حقها، وإن الشبكة ماتعتبرش جزء من المهر لازم يترد إلا لو تم النص على ذلك من خلال عقد واتفاق.
  • بالنسبة للزواج: مش من حق الولي أو الواصي على البنت إنه يمنعها تتجوز حد هي موافقة عليه “طالما شخص مفيش سبب مقبول للمنع”.
  • بيت الطاعة: مفيش حاجة اسمها كده “لا وجود له في الشريعة الإسلامية” وإن ده يعتبر إهانة لكيان المرأة اللي كرمها القرأن.
  • فيما يخص خروج المرأة من البيت: كان في جدل، مجموعة من الفقهاء قالوا “تخرج وقت ما تشاء وتعود وقت ما تشاء” وبين اللي صادر عليها وقال لا يجوز، وفي النهاية قرر الأزهر إنها تخرج في الحالات المباح فيها الخروج، حتى لو من غير موافقة الزوج ولكن بشرط عدم التعسف في استخدام الحق ده.
  • أخر حاجة: من حق الزوجة إنها تحسب نصيبها من ثروة جوزها وهو حي ولا تخضع لقسمة الميراث اللي بتبقى “التمن”، وده في حالة إنها شاركت في زيادة ثروته وساعدته بجزء من فلوسها، فحق ليها .

وده كان ملخص لمجموعة من قرارات الأزهر اللي أصدرها الأيام اللي فاتت.

أخر كلمة: ماتفوتوش قراءة: السيسي يرفع جاهزية شرم الشيخ لاستقبال السياح.. دي أهم مشاريع المدينة في الفترة الأخيرة

تعليقات
Loading...
Tweet
Share
Share
Pin