متحور أوميكرون من فيروس كورونا: ليه منظمة الصحة وصفته إنه “مثير للقلق”؟

في ظل محاولات الجميع من غير استثناء، إن العالم يرجع لطبيعته، والتعايش مع كورونا.. للأسف كل شوية بيتم اكتشاف متحور جديد للفيروس. فتم اكتشاف متحور فيروس كورونا الجديد (B.1.1.529) يوم 24 نوفمبر. وبعد يومين من اكتشافه، أطلقت منظمة الصحة العالمية عليه اسم “أوميكرون” ووصفته بإنه “متحور مثير للقلق”.

رصدت أول حالات الإصابة بمتحور أوميكرون في جنوب أفريقيا وقالت منظمة الصحة إنه “مختلف بدرجة كبيرة” لإنه بيحتوي على عدد مرتفع من النسخ… بعضها مقلق لإنها ممكن تكون مرتبطة “باحتمالية الهروب المناعي وزيادة انتقال العدوى”. ظهر المتحور لحد دلوقتي في جنوب إفريقيا وفلسطين وهونج كونج وبلجيكا وهولندا. لكن لحد دلوقتي معدل انتقال العدوى به ومدى خطورته لسه غير معروف.

اتكلمت الدكتورة أنجيليك كويتزى، رئيسة الجمعية الطبية فى جنوب أفريقيا عن أعراض المتحور الجديد. ووضحت إن أعراض السلالة الجديدة من كورونا كانت “خفيفة جدًا”، ومختلفة عن أعراض دلتا، السلالة الأكثر انتشارًا عالميًا دلوقتي. ومن أعراض أوميكرون الإرهاق الشديد وارتفاع درجة الحرارة، التعرق الليلي والصداع وحكة الحلق وسيلان الأنف.

منظمة الصحة العالمية عندها أربع مستويات من التصنيف لمتحورات فيروس كورونا المستجد، وهي بترتيب تصاعدي: قيد المراقبة – مثير للاهتمام – مثير للقلق – ذو عواقب شديدة. وصُنف أوميكرون إنه مثير للقلق لوجود “مجموعة كبيرة وغير عاديةمن الطفرات”، وإن الأدلة الأولية بتشير “لزيادة خطر تكرار الإصابة مرة تانية” بالمتغير. طبعًا لسه في حالة بحث ودراسة للمتحور الجديد، علشان يقدر العالم إنه يتعامل معاه.

آخر كلمة: ماتفوتوش قراءة: “قانون جديد لمواجهة الأوبئة: كل اللي محتاج تعرفه عن القانون وإجراءاته” …

تعليقات
Loading...
Tweet
Share
Share
Pin