مبادرة”متغلاش عليك” لتخفيض أسعار السلع في مصر

بواسطة ماهينور أبوالعطا.

في ٢٠١٦ وافق صندوق النقد الدولي على تمويل مصر لبداية برنامج الإصلاح الأقتصادي اللي ساعد مصر علي إنها تكسب ثقة المؤسسات والمستثمرين الدوليين ودا كان سبب من الأسباب اللي ساعدت مصر في إنها تتحمل المشاكل الاقتصادية الناتجة عن فيروس كورونا. بالرغم من التحديات اللي بيواجهها العالم والاقتصاد الدولي صمود مصر في مواجهة المشاكل دي دعم موقف مصر وثبوتها قدام المؤسسات الدولية واللي نتج عنه تقرير صندوق النقد الدولي اللي أكد إن مصر الدولة الوحيدة في الشرق الأسط اللي حققت معدل نمو ايجابي خلال السنة دي بمعدل ٢٪، و التقرير دا كان دليل لتوقعات البرلمان في إن الاقتصاد المصري سيتعفي بسرعة و بأقل خسائر. 

ولكن بالرغم من كدا كان في بعض القطاعات اللي تم اغلاقها بشكل كامل زي السياحة والطيران والبترول وكان اغلاق المحلات و المشروعات الصغيرة كان ليه اثر سلبي على فئه من المجتمع ولكده بدأت الدولة بمبادرة ”متغلاش عليك“ واللي بتهدف لحل المشاكل دي. وقال وزير المالية الدكتور محمد معيط إن الدولة ضخت ٣.٥ مليار جنيه لدعم قطاع الصادرات والسياحة والطيران. ولزيادة استهلاك المواطن لتصل اجمالي نسبة الإستهلاك الي١٢٠ مليار جنيه لجذب الاستثمارات  الخارجية  وعشان كدا وجهت الدولة مبادرة بمبلغ ١٢ و ربع مليار جنيه  للمواطنين الحاملين لبطاقة التموين بحيث إن كل مواطن له خصومات علي السلع المهمة ومبلغ مخصص لشراء الملابس و السلع الكهربائية. وأكد الدكتور محمد معيط إن بالرغم من إن نسبة الدين الخارجي في حدود الامان هناك وجود و استمرار في خطة لتسديد ديون مصر الداخلية والخارجية واللي أكدت ان مصر استطاعت من تسديد ديونها رغم أزمة فيروس كورونا.

آخركلمة: نتمنى إن مصر والعالم يقدروا يتخطوا الأزمة دي في أسرع وقت!

تعليقات
Loading...
Tweet
Share
Share
Pin