ليه لازم تعرفوا أعراض الجلطة الدماغية وطرق التعامل معاها؟

وفقًا لمنظمة الصحة العالمية، بتعتبر السكتة الدماغية أو الجلطة الدماغية ثالث أخطر مرض في قائمة الأمراض والاضطرابات المميتة. ولسوء الحظ، معظم السكتات الدماغية مش بتتلاحظ غير بعد فوات الأوان، وممكن كمان تحصل لأي حد فى أي سن.

علشان كدة، لازم نعرف إزاى نحدد أعراض الجلطة، وإزاي نمنعها من إنها تاخد حياة. وكل ما كان التصرف أسرع، قل احتمال تعرض الشخص للإصابة بتلف خطير في الدماغ.

عن: Unsplash

علامات السكتة الدماغية

  • تخدير في الذراع اليسرى أو الساق أو الجانب الأيسر من الوجه.
  • صعوبة في التحدث وفهم كلام الآخرين.
  • شلل كلي أو جزئي.
  • مشكلة في الرؤية بإحدى العينين أو كلتيهما.
  • الدوخة وفقدان الوعي.
  • صعوبة في المشي أو التوازن.
  • صداع فجائى حاد.

وفي أربع خطوات ممكن تعملوها لو حسيتوا إنكم أو في شخص معاكم بيعاني من أعراض السكتة الدماغية

  • اطلب من الشخص إنه يبتسم (لو عنده سكتة دماغية، مش هيعرف يعمل كده).
  • اطلب من الشخص يقول أى جملة بسيطة (برضو لو ماعرفش، فيه احتمال كبير إنه يكون عنده سكتة دماغية).
  • اطلب منه إنه يحاول يرفع ذراعيه الإتنين (لو عنده سكتة دماغية، هيكون قادر يعمل كدة جزئيًا أو مش هيقدر خالص).
  • اطلب منه يطلع لسانه (لو اللسان كان معوج، بمعنى إنه راح فى جنب واحد، فده برضو مؤشر على الإصابة بسكتة دماغية).

لو اتأكدتوا إن الشخص مصاب بجلطة دماغية، ضروري تتبعوا الخطوات دي:

  • اتصل بالاسعاف فورًا قبل أى حاجة
  • لو الشخص كان واعي، لفه على جانبه مع رفع رأسه وإسندها.
  • ماتقدمش للشخص أي طعام أو شراب.
  • فك أى ملابس ضيقة ممكن تعيق التنفس، زى الكرافتة.
  • استنى مع الشخص لحد ما الإسعاف توصل.
  • لو عندك أي ملاحظات، قولها للمسعفين أول ما يوصولوا.

الطريقة الوحيدة لتقليل العواقب السلبية للسكتة أو الجلطة الدماغية هي مساعدة الشخص خلال الساعة الأولى، وعلشان كدة لو لاحظنا حاجة من الأعراض دي على أى حد، لازم نتصرف بأقصى سرعة!

اخر كلمة: فيه طبيب قلب مرة قال إن لو كل شخص شاف المعلومات دى وبعتها لعشرة أشخاص، ممكن نراهن على إنقاذ حياة واحدة على الأقل!

تعليقات
Loading...
Tweet
Share
Share
Pin