ليه المتحور الجديد أوميكرون هو الأخطر لحد دلوقتي؟

متحور جديد من فيروس كورونا، طب وإيه المشكلة؟ ما احنا كل شوية يقولوا لنا إن في متحور جديد واتعودنا خلاص على الأخبار دي، إيه الجديد يعني؟ الجديد هنا إن منظمة الصحة العالمية ولأول مرة من ساعة ما بدأت تصرح بمتحورات كورونا زيّ دلتا وغيره، أول مرة تقول عن المتحور الجديد ده إنه مثير للقلق وإنه أخطر طفرة مكتشفة لحد دلوقتي، طب وده من الفراغ؟ أكيد لأ.

في الأول المتحور الجديد اسمه “أوميكرون” B.1.1. 529، منظمة الصحة قالت في بيانها إن اللي مخلي المتحور الجديد ده هو الأشرس والأخطر عدة أسباب منها: إنه مختلف اختلاف جذري عن الفيروس أو المتحورات التانية، يعني كإننا بنتعامل مع فيروس جديد! وقالوا إنه بما إنه مختلف يعني اللقاحات مش هتبقى فعالة معاه! طب ليه؟ لإن المتحور فيه بروتين اسمه “سبايك” وده أصلًا غير البروتين اللي موجود في كورونا واللي اتعملت اللقاحات على أساسه أصلًا! بالإضافة إنه في أكتر من 10 طفرات على الأقل على عكس متحور دلتا اللي في اتنين وبيتا اللي فيه تلاتة، ده غير إن من ضمن الطفرات دي تحورات مرتبطة بتفادي الاستجابة المناعية! وللأسف إن المنظمة رصدت في ارتفاع كبير في عدد الإصابات به في وقت قياسي،

طب ونتيجة التصريح ده إيه؟ إن العالم كله عاش امبارح 24 ساعة من العرب، ما بين تصريحات واجتماعات، وفي دول علقت رحلاتها الجوية من وإلى جنوب أفريقيا، المكان اللي ظهرت فيه أول حالة منه، زيّ بريطانيا ومصر، فنتمنى إن الكابوس ده ينتهي في أسرع وقت ويتم السيطرة بدون زيادة في الخسائر.

أخر كلمة: ماتفوتوش قراءة: فايزر ولا سينوفارم؟ دراسة عربية بتوضح اللقاحات الأكثر فاعلية من غيرها

تعليقات
Loading...
Tweet
Share
Share
Pin