لأول مرة في مصر.. “فايزة حيدر” مدربة معتمدة من الاتحاد الإنجليزي لكرة القدم

فايزة حيدر

في الفترة الأخيرة بقينا نشوف بنات كتيرة في مصر بتحقق إنجازات في مجالات مختلفة بنفتخر بيها كلنا، ولكن إن البنات تحقق الإنجازات دي في الرياضة فدي حاجة يمكن تكون غريبة علينا شوية ولكن بتفرحنا جدًا وبتخلينا يبقى عندنا نماذج منها كتير.. شوفنا سارة عصام لاعبة فريق ستوك سيتي الإنجليزي، ولاعبة التنس ميار شريف في بطولة فرنسا المفتوحة للتنس، ودلوقتي بقى عندنا نموذج مشرف نفتخر بيه وهي فايزة حيدر.

فايزة عندها 36 سنة، هي الأولى من بين المدربين المصريين من الرجال والسيدات اللي تحصل على شهادة معتمدة من الاتحاد الإنجليزي لكرة القدم في مهارات التدريب، واتعينت كأول مدربة في برنامج المهارات الأساسية “Premier Skills”، وكمان اتعينت كمدرب عام للفريق الأول لـ “إيديال جولدي” لكرة القدم للرجال اللي بيلعب في دوري الدرجة الرابعة ودي حاجة أول مرة تحصل في مصر.

وبدأت فايزة ممارسة كرة القدم لما كان عندها 5 سنين كهواية، وبعد كده دخلت عالم الاحتراف، وانضمت لنادي حلوان في سنة 1997، وبعدها اُختيرت للعب مع منتخب مصر النسائي للناشئات، ولعبت أول مباراة مع المنتخب في تصفيات الأمم الأفريقية عام 1998، وبعد كده انتقلت لنادي الطيران في سنة 2003، وشاركت في أول دوري كرة قدم نسائية بمصر، وكانت قائدة للمنتخب الأول 10 سنين، وحصلت معاه على المركز الخامس ببطولة الأمم الأفريقية في الكاميرون سنة 2016.

آخر كلمة: ماتفوتوش قراءة: لأول مرة في مصر.. انطلاق دوري الوزارات لكرة القدم للرجال وتنس الطاولة للسيدات.

تعليقات
Loading...
Tweet
Share
Share
Pin