كورس لتعليم اللغة الهيروغلفية للأطفال برعاية وزارة السياحة

بواسطة فرح أشرف.

وزارة السياحة قررت تعرض نشاط جديد وفريد من نوعه للأطفال عشان يستغلوا وقتهم في الصيف فقررت تنزل كورس لتعليم اللغة الهيروغلفية.. لغة أجدادنا الفراعنة. 

الهيروغليفية المصرية هيّ نظام الكتابة اللي تم استعماله في مصر القديمة وهي عبارة عن صورمختلفة بتدل على حروف؛ الصور دي مستوحاه من الموجودات الشائعة في البيئة المصرية في الوقت ده، من نبات وحيوان وأعضاءها ومن الإنسان وأعضائه ومن مصنوعاته وغيرها. 

الدورة التدريبية دي هتكون على كتابة الهيروغليفية على الإنترنت للأطفال. الكورس هيبدأ من 9 الشهر الجاري وهيمتد لغاية يوم 9 من شهر اكتوبر لسنة 2020.

 

عن Pinterest.

الكورس هيكون على الطريقة اللي تعليم اشتغل بيها في فترة الكورونا وهيكون عن طريق تطبيق Zoom والمحتوى هيشتغل علي تعليم الأطفال كل شيء عن أساسيات اللغة المصرية القديمة.

طريقة التسجيل هتكون عن طريق إرسال إيميل باسم الطفل وعمره وسنته الدراسية ومعاه رقم موبايل ولي الأمر على الإيميل ده moa.cultural.develop@gmail.com. والتسجيل يعتمد على أسبقية التسجيل عشان العدد محدود. 

آخر كلمة: سارعوا بالتسجيل لأولادكوا  دي فرصة متتعوضش!

تعليقات
Loading...
Tweet
Share
Share
Pin