السوشيال ميديا بقالها يومين منتشر عليها فيديو واحد بتنقله قناة عن التانية وشخص عن التاني، الفيديو لشخص صور ست بتتخانق معاه وبتحاول تضربه بعصاية وماشية وراه في كمباوند وبتطارده، وهو بيبعد عنها ومصمم يوثق اللي بيحصل، لكن ماحدش قال ليه بتتخانق معاه، والفيديو بينتشر بتعليقات مختلفة.
انا ساكن في أرقى مكان في مصر حيث الهدوء والأمن والأمان !
ده اعلان شقق فى كمباوند هتعيش مع ناس نديفة هههههPosted by البهظ زعبله on Saturday, March 18, 2023
وفق روايات الجيران اللي اتنشرت في صحف، فسبب الخلاف هو تنظيف حمام السباحة وتعرض سيارة الطبيب -اللي صور الفيديو- لتصادم من سيارة تابعة لأحد أفراد جيرانه، وتم مناقشة الأمرين في جروب واتساب خاص بسكان الكومباوند، لكن انتهى الحوار باشتباك ومشادة لفظية من جانب السيدة لجارها.
ولما الطبيب قرر يروح بنفسه لمنزل جارته لمقابلة زوجها أو ابنها لمعاتبتها على تطاولها عليه، فوجئ بالتصرف اللي عملته ورغبتها في الاعتداء عليه بعصا خشبية، وقرر تصوير الواقعة علشان يبرئ موقفه.