بعد تريند محمد رمضان.. كل اللي محتاج تعرفه عن مهرجان ضيافة في دبي 2020

انتشر امبارح فيديو لسقوط محمد رمضان وهو رايح يستلم جايزته على المسرح في مهرجان ضيافة بدبي، وتناولته كل وسائل الإعلام وحتى صفحات كتير على السوشيال ميديا، وده كان أبرز حدث في المهرجان، لكن إيه هو المهرجان ومين الفنانين اللي كانوا موجودين والجوايز اللي اتكرموا بيها وإيه حكاية المهرجان ده؟

سقوط محمد رمضان وهو بيستلم جايزته في مهرجان الضيافة الدولي في دبي.

Posted by Scoop Empire on Sunday, November 29, 2020

مهرجان ضيافة اللي بيقام السنة دي في دورته الرابعة، وابتدت فعالياتها امبارح بحضور عدد كبير من الشخصيات العامة ونجوم الفن والمشاهير والإعلاميين، وأُقيم في منطقة “ذا بوينت بالم جميرا” في دبي قدام أكبر نافورة في العالم، بمنظر مختلف عن الصورة المعتادة للمهرجانات، واستضاف مدعوين من أكتر من 17 دولة في العالم، والمهرجان السنة دي كرّم عدد كبير من الفنانين، أبرزهم لطيفة ويارا ومحمد رمضان وعابد فهد ومكسيم خليل والمخرج أمجد أبو العلا، والإعلامي مصطفى الأغا.

اقرأ أيضًا: تفاصيل الدورة الـ 42 لمهرجان القاهرة السينمائي الدولي.

عن: هي

الدورة دي من المهرجان بتحتفل بالمبدعين والمؤثرين في المجالات الإنسانية، وبيهدي المهرجان الدورة دي للعاملين في خط الدفاع الأول ضد فيروس كورونا في الإمارات، تقديرًا لمجهودهم، ومش بتحمل الدورة اسم شخصية بعينها، والدورة بتتزامن مع رجوع الحياه تدريجيًا، وكمان السنة دي هتحمل عنوان “بيروت عنبر رقم 12″، لتأمين أطراف اصطناعيّة لأطفال فقدوا أيديهم.

آخر كلمة: ماتفوتوش قراءة: سبع أفلام مصرية في مهرجان الأفلام العربية بالسويد وسويسرا.

تعليقات
Loading...
Tweet
Share
Share
Pin