كل اللي محتاج تعرفه عن مهرجان الغردقة الدولي للفنون في دورته الرابعة

بمشاركة 50 فنان من 15 دولة مختلفة حول العالم سواء من الدول العربية أو الأجنبية، انطلقت الدورة الرابعة من مهرجان الغردقة الدولي للفنون التشكيلية، في الممشى السياحي في الغردقة، وبرعاية محافظة البحر الأحمر، والمحافظة استضافت المهرجان عدة سنوات لدعم الحركة السياحية في مدينة تعتبر من أجمل مدن مصر وبتتمتع بطبيعة جذابة بيحبها السياح من كل مكان في العالم، وبيدعم الإبداع والفنون.

عن: وطني

المهرجان ابتدى يوم الجمعة، ومن المقرر إنه يستمر لمدة أسبوع، لحد يوم 30 يونيو، وهيعرض أعمال فنية بأفكار مختلفة بتعكس الفنون من كل مكان في العالم، دول عربية زيّ السعودية وسوريا والأردن، ودول أجنبية زيّ روسيا وألمانيا وبلجيكا وأوكرانيا، وبتعكس ثقافات مختلفة وكمان من أزمنة مختلفة، هتشوف فنون مختلفة في مكان واحد.

المهرجان بيضم ورش عمل لأنواع مختلفة من الفنون، زيّ الرسم والتصوير والنحت، كمان ورش عمل مختلفة لتعليم الأطفال فنون مختلفة، والدورة دي من المهرجان هتكون بحضور وفد كبير من الفنانين التشكيليين من روسيا، وأساتذة من أكاديميات الفنون في مدن مختلفة من كل أنحاء البلاد، والمهرجان هيشهد أنشطة مختلفة، بالتزامن مع عودة السياحة لمدن محافظة البحر الأحمر، بعد التأثر بجائحة كورونا. والمهرجان بيعتبر ملتقى للفنون المختلفة بعد أزمة اتعرضلها العالم كله.

آخر كلمة: ماتفوتوش قراءة: بالصور: متحف الغردقة، كنز تاريخي مصري على ساحل البحر الأحمر

تعليقات
Loading...
Tweet
Share
Share
Pin